Այդ հերթերը մեր սահմանից այն կողմ են, մեզ մոտ կուտակումներ չկան. Վարդան Սարգսյան․ ՏԵՍԱՆՅՈՒԹ

Երեկվանից, տեղյակ եք՝ Լաչինի միջանցքով ԼՂ-ից իրականացվում է քաղաքացիների տեղափոխում դեպի Հայաստան: Ժամը 12:00-ի դրությամբ արդեն իսկ հրապարակվել են տվյալները՝ 4850 քաղաքացի արդեն անցել են սահմանը և գտնվում է Հայաստանում: Կոռնիձորում գտնվող հումանիտար կայանում իրականացվում է վերջիններիս դիմավորումը: Կոռնիձորում լրագրողների հետ ճեպազրույցում ասաց ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը:

«Քաղաքացիները գրանցվում են, տեղի է ունենում վերջիններիս կարիքների առաջնային գնահատում, ըստ դրա` իրականացվում են համապատասխան աշխատանքները: Այստեղ գործում է նաև քաղաքացիներին առաջին անհրաժեշտության կարիքները հոգալու համար կետ, հոգեբանական աջակցություն է տրամադրվում քաղաքացիներին: 24-ժամյա ռեժիմով բոլոր մարմիններն աշխատում են, կայանը աշխատում է, գործում է նաև Գորիսում գտնվող կոորդինացիոն կենտրոնը, որտեղ ուղարկվում են այն քաղաքացիները, որոնք ունեն օթևանի խնդիր. այնտեղ գրանցվելուց ու կարիքները գնահատելուց հետո վերջիններիս տրամադրվում է համապատասխան կեցավայր»,- նշեց նա:

«Կեցավայրերը ամբողջ հանրապետության տարածքով են նախատեսվում: Միայն Սյունիքի մարզով չի սահմանափակվում»,- ասաց Սարգսյանը։

Անդրադառնալով դիտարկմանը, որ Արցախից Հայստան սահմանին մեքենաների հերթեր են կուտակվել, բայց այդ հերթերը մեր սահմանից այն կողմ են, մեզ մոտ կուտակումներ չկան։

Մանրամասները՝ տեսանյութում։