19.03.2026 | 10:37
Ադրբեջանի տարածքով ևս 7 վագոն ցորեն կուղարկվի Հայաստան
Պաշտոնապես 200 կորուստ կա, բայց մենք շարունակում ենք սրճարաններում քեֆ անել․ Գագիկ Գինոսյան․ ՏԵՍԱՆՅՈՒԹ
Քաղաքականություն
21.09.2023 | 21:17
«Անկախությունը պետք է ամեն վայրկյան արժևորել, հատկապես նման օրհասական օրերին։ Անկախության մասին խոսելիս չպետք է ստամոքսից կամ տնտեսությունից, լավ և վատ ապրելուց խոսել։ Անկախությունը նախ և առաջ ոգեղեն, գաղափարական արժեք է, ոչ կենցաղային»,- այսօր՝ Հայաստանի անկախության 32-րդ տարեդարձին Factor TV-ի հետ զրույցում նշում է «Կարին» ավանդական երգի-պարի խմբի գեղարվեստական ղեկավար Գագիկ Գինոսյանը։
Նրա խոսքով՝ հիմա՝ Արցախում տեղի ունեցող իրադարձությունների ֆոնին, մենք պետք է պատրաստ լինենք ցանկացած շրջադարձի․ «Ինչո՞ւ Հայաստանում ռազմական դրություն չի հայտարարվել, պաշտոնապես 200 զոհ կա, բայց մենք շարունակում ենք սրճարաններում քեֆ քաշել»։
Գագիկ Գինոսյանը խոսում է նաև Հայաստանում տեղի ունեցող քաղաքական ներքին պառակությունների մասին։
«Այս տարանջատումները վտանգավոր են, առավել ևս՝ մեր այս հոգեվիճակում։ Ընդդիմադիրները միայն ասում են՝ Նիկոլը պետք է հեռանա, բայց չեն ասում՝ ինչպես պահել Արցախը։ Փաշինյանը, այո´, պետք է հեռանա, բայց ի՞նչ է լինելու հետո՝ չեն ասում»,- նշում է նա։
Որքան էլ այսօր հայ ժողովրդի համար դժվարին ժամանակներ են, Գագիկ Գինոսյանը կոչ է անում ոչ մի դեպքում չհուսահատվել։
«Եթե 1915-ից հետո մենք Սարդարապատում, Ղարաքիլիսայում, Բաշ-Ապարանում հերոսական մարտեր ունեցանք, ապա անկախություն կերտեցինք, հիմա էլ կարող ենք հաղթահարել այս դժվարությունը։ Այո՛, մենք վատթարագույն վիճակում ենք, բայց պարտավոր ենք մեր մեջ ուժ գտնել, որպեսզի մեր տղաների նահատակությունը անիմաստ չդառնա։ Իրավունք չունենք հայրենիք կորցնելու»,- եզրափակում է մեր զրուցակիցը։
Մանրամասները՝ տեսանյութում։
Աննա Բաբաջանյան
