24.07.2026 | 21:00
Փաշինյանը սրբել-տանելու է բոլորին՝ կմնա միայն ինքը․ ուզում է 2031-ին ԱԺ մտնեն իր վերահսկած ուժերը․ Հակոբ Ասլանյան․ ՏԵՍԱՆՅՈՒԹ
Ալիևը զանգահարել է Պուտինին ու ներողություն խնդրել ռուս խաղաղապահների մահվան համար
Քաղաքականություն
21.09.2023 | 14:06
Ադրբեջանի նախագահ Իլհամ Ալիևը զանգահարել է ՌԴ նախագահ Վլադիմիր Պուտինին՝ ներողություն խնդրել և «խորը ցավակցություն հայտնել սեպտեմբերի 20-ին Ղարաբաղում ռուսական խաղաղապահ զորախմբի զինծառայողների մահվան կապակցությամբ», հայտնում է Կրեմլը։
Նշվել է, որ տեղի ունեցածի առավել մանրակրկիտ քննություն է իրականացվելու, և «բոլոր մեղավորները պատշաճ պատիժ են ստանալու»։ Այդ կապակցությամբ երկու երկրների գլխավոր դատախազությունները սերտ կապի մեջ են։ Ադրբեջանի նախագահը նաև պատրաստակամություն է հայտնել ֆինանսական օգնություն ցուցաբերել զոհվածների ընտանիքներին։
Երկու կողմերը նաև ընդգծել են Ղարաբաղում ռազմական գործողությունների ամբողջական դադարեցման վերաբերյալ ռուս խաղաղապահների աջակցությամբ ձեռք բերված պայմանավորվածությունների հետևողական իրականացման կարևորությունը։ Այս համատեքստում մեծ նշանակություն է տրվել Բաքվի և Ստեփանակերտի ներկայացուցիչների միջև խաղաղապահների միջնորդությամբ սկսված բանակցություններին։
«Քննարկվել են տարածաշրջանում իրավիճակի հետագա կայունացման և հումանիտար խնդիրների հաղթահարմանն ուղղված առաջնահերթ քայլերը։ Վլադիմիր Պուտինն ընդգծել է Ղարաբաղի հայ բնակչության իրավունքների և անվտանգության ապահովման կարևորությունը։ Հաստատվել է ադրբեջանական կողմի պատրաստակամությունը այս հարցերի շուրջ փոխգործակցելու ռուս խաղաղապահների հետ»,-ասվում է տարածված հաղորդագրության մեջ։
Նաև նշվում է, որ կողմերը պայմանավորվել են ակտիվացնել աշխատանքը բանակցային գործընթացում եռակողմ պայմանավորվածությունների հիմա վրա 2020-2022 թթ-ի՝ հատկապես «տրանսպորտային կապերի ապաշրջափակման, ադրբեջանա-հայկական սահմանի սահմանազատման, Բաքվի և Երևանի միջև խաղաղության պայմանագրի նախապատրաստման առումով»։
