30.05.2026 | 19:53
«Յունիսպորտը»` ֆուտզալի Հայաստանի չեմպիոն. ՏԵՍԱՆՅՈՒԹ
«Reuters» լրատվական գործակալությանը հարցազրույց է տվել ոչ թե ԱԳ փոխնախարար Վ․ Կոստանյանը, այլ Պ․ Հովհաննիսյանը․ ՀՀ ԱԳՆ
20.09.2023 | 15:35
Մամուլում տեղեկություններ են տարածվել, թե ԱԳՆ տեղակալ Վ. Կոստանյանը հայտարարել է, որ ԼՂ հայերը տեսականորեն կարող են ապրել Ադրբեջանի վերահսկողության տակ, սակայն «երկխոսություն պետք է հաստատվի»․ այս առնչությամբ պարզաբանում է ներկայացրել ՀՀ ԱԳՆ-ն
««Reuters» լրատվական գործակալությանը հարցազրույց է տվել ոչ թե ԱԳ փոխնախարար Վ․ Կոստանյանը, այլ Պ․ Հովհաննիսյանը, որի միտքը լրատվականը ներկայացրել է աղավաղված։ Լրագրողն ընդունել է իր սխալը և շտկել հոդվածը»,- ասված է պարզաբանման մեջ։
«Reuters-ի արդեն իսկ փոփոխված տեքստում ասվում է․
«Հայաստանի փոխարտգործնախարար Պարույր Հովհաննիսյանը չորեքշաբթի ասել է, որ Ադրբեջանի ԼՂ տարածաշրջանի էթնիկ հայերը կարող են «իդեալական աշխարհում» ապրել ադրբեջանական տիրապետության ներքո, սակայն պատմական փորձը դժվարացնում է այն պատկերացնելը։
Reuters-ին տված հարցազրույցում այն բանից հետո, երբ ադրբեջանական 24-ժամյա հարձակումը ճնշել էր անջատողականներին և ապահովել զինաթափման նրանց համաձայնությունը, նա ասաց, որ Հայաստանը հասկանում է, որ Ղարաբաղի հայերը բաց են Բաքվի հետ բանակցությունների համար, և որ երկխոսությունը շատ կարևոր է»:
