17.08.2026 | 12:52
Եվս 3 հայ բռնցքամարտիկներ երիտասարդական ԵԱ-ի 1/4 եզրափակիչում են
Ինչ է կատարվում կառավարության և վարչապետի կեցավայրի դիմաց․ ՏԵՍԱՆՅՈՒԹ
Քաղաքականություն
20.09.2023 | 13:29
Սեպտեմբերի 19-ից ադրբեջանական զինուժը հարձակվել է Արցախի Հանրապետության վրա։ Կիրառվում է ծանր զինտեխնիկա, հայկական կողմը մարդկային և տարածքային կորուստներ ունի։
Ժամը 03:00-ի դրությամբ՝ Մարդու իրավունքների պաշտպանի գրասենյակ ստացած տեղեկատվության համաձայն, խաղաղ բնակչության շրջանում կա 35 վիրավոր՝ 13 երեխա, 15 կին և 7 տղամարդ։
Արցախում սկսված ռազմական գործողություններից հետո Երևանում բողոքի ակցիաներ են սկսվել։ Ընդդիմությունն արդեն մեկ օր Հանրապետության հրապարակում պահանջում է Նիկոլ Փաշինյանի հրաժարականը։ Իշխանությունները կառավարական գլխավոր մասնաշենքի մոտ ոստիկանական ուժեր են կենտրոնացրել, երեկ գիշեր նաև լուսաձայնային նռնակներ են կիրառվել։ Ընդդիմության ներկայացուցիչ Անդրանիկ Թևանյանն այսօր առավոտյան հայտարարել է բողոքի ակցիաները շարունակելու մասին։ Ժամը 19։00-ին նախատեսվում է հանրահավաք Հանրապետության հրապարակում։
Ոստիկանական ուժեր են կենտրոնացված նաև Պռոշյան փողոցում։ Այստեղ են գտնվում կառավարական առանձնատները, որտեղ բնակվում են վարչապետն ու նրա ընտանիքը։ Նիկոլ Փաշինյանը երեկ հայտարարեց, որ ՀՀ-ին սադրանքներով չեն կարողանալու ներգրավվել ռազմական գործողություններին։ Սա հարուցել է նրա հրաժարականը պահանջողների զայրույթը։
Նշենք, որ ոստիկանական ուժեր կան կենտրոնացված նաև նախագահական նստավայրի դիմաց, որտեղից աշխատում է Նիկոլ Փաշինյանը, իսկ ԱԺ շենքի դիմաց միայն ամենօրյա ծառայություն իրականացնող ոստիկաններն են։
Մանրմասները՝ տեսանյութում։
Նարեկ Կիրակոսյան
