09.08.2026 | 22:30
Արթուր Ղարիբյանը հաղթական դուբլ է գրանցել «Զենիթի» դեմ խաղում. ՏԵՍԱՆՅՈՒԹ
Պուտին-Թրամփ հանդիպումը զրկեց Թուրքիային և Ադրբեջանին հակասությունների վրա խաղալու հնարավորությունից․ Մհեր Շահգելդյան․ ՏԵՍԱՆՅՈՒԹ
Քաղաքականություն
18.07.2018 | 15:34
ՕԵԿ փոխնախագահ Մհեր Շահգելդյանի կարծիքով՝ Պուտին-Թրամփ վերջին հանդիպումը նոր ազդեցություն է ունենալու հետագա քաղաքական գործընթացների վրա, ինչը Հայաստանի համար շատ կարևոր է։ Այս մասին այսօր հրավիրված մամուլի ասուլիսի ժամանակ ասաց նա՝ նշելով, որ այս պահին ԱՄՆ նախագահն այն քաղաքական էլիտայի լիդերն է, որն ավելի պրագմատիկ է և շատ լավ է հասկանում, թե այսօր աշխարհին ինչ է պետք։
«Իսրայելի և Սիրիայի հարաբերությունների հետ կապված, ըստ էության, համաձայնություններ ձեռք բերվեցին, որոնք տարածաշրջանն ավելի անվտանգ են դարձնելու։ Համաձայնություն ձեռք բերվեց նաև Ուկրաինայի հետ կապված, ձևավորվեց մի ոչ ֆորմալ հարթակ, որտեղ հնարավոր է լինելու անվտանգությունը պահպանելով ավելի սերտ աշխատել, և այս մոտեցումները տեղափոխվելու են Մինսկի խումբ, որը երկու երկրների համար շփման հարթակ է»,- ասաց Մհեր Շահգելդյանը։
Վերջինս նշեց, որ Պուտին-Թրամփ հանդիպումը Արդբեջանին և Թուրքիային զրկեց երկու երկրների թվացյալ կամ իրական հակասությունների վրա խաղալու հնարավորությունից, ինչպես նաև Ադրբեջանի կողմից սպառազինությունների մրցավազքը օգտագործելով պատերազմի սպառնալիք ստեղծելուց։ «Սա հետքրքիր և կարևոր իրավիճակ է՝ հաշվի առնելով, որ Նախիջևանում աշխարհառազմավարական գործընթացներ են նախապատրաստվում Թուրքիայի կողմից»,- ասաց Մհեր Շագհելդյանը։
Մանրամասները՝ տեսանյութում։
