12.12.2024 | 15:32
ԼՂ-ից բռնի տեղահանված ՄԿՈւ հաստատությունների սովորողներն ուսման վարձի փոխհատուցում կստանան
Տիգրան Ավինյանն այսօր չի մասնակցում քարոզարշավին
Քաղաքականություն
14.09.2023 | 16:40
Սեպտեմբերի 17-ին կայանալիք ավագանու ընտրություններին իշխող «Քաղաքացիական պայմանագիր» կուսակցության քաղաքապետի թեկնածու Տիգրան Ավինյանն այսօրվա հերթական քարոզարշավին չի մասնակցում։ ՔՊ շտաբի ղեկավար Արմեն Փամբուխչյանը հայտնել է, որ Ավինյանը քարոզարշավին չի մասնակցում, քանի որ մի փոքր առողջական խնդիր ունի։
ՔՊ շտաբի խոսնակ Հայկ Կոստանյանը Factor.am-ին տեղեկացրեց, որ թեև Ավինյանը վատառողջ է, սակայն կմասնակցի այսօր Հանրային հեռուստաընկերության կազմակերպած նախընտրական բանավեճին։ Ավագանու հերթական ընտրություններին մասնակցող 14 քաղաքական ուժերից այսօր ժամը 22։00-ին կբանավիճեն 12 կուսակցությունների քաղաքապետի թեկնածուներ։ «Հանրային ձայն» կուսակցության քաղաքապետի թեկնածուն կալանավորված է, նրա փոխարեն կբանավիճի նախընտրական ցուցակի 4-րդ համարն զբաղեցնող Վահան Ավագյանը։ Բանավեճին չեն մասնակցի Հայկ Մարությանի գլխավորած «Ազգային առաջընթաց» կուսակցությունը և Անդրանիկ Թևանյանի գլխավորած «Մայր Հայաստան» դաշինքը։
Արփի Հակոբյան
