08.09.2026 | 21:50
Գագիկ Խաչատրյանի միլիարդները մի բանակի ունեցվածք է․ ՀՀ-ի դեմ մեծ հանցագործություն է տեղի ունեցել․ Գուրգեն Սիմոնյան. ՏԵՍԱՆՅՈՒԹ
Բոլորս էլ գիտենք՝ ձեր կանչերը որտեղից են․ կարող եք էս ելույթը թարգմանել ու Viber-ով հետ ուղարկել․ Ալեքսանյանը՝ Մամիջանյանին․ ՏԵՍԱՆՅՈՒԹ
Քաղաքականություն
13.09.2023 | 10:55
«Երեկ ԱԺ ՊՈւ («Պատիվ ունեմ») խմբակցության ղեկավարը հայտնել է, թե չի բացառում, որ Երևանում արյամբ իշխանություն է փոխվելու։ Հերթական անգամ ընդդիմությունը, համադրելով կամ նույնականացնելով իր ջանքերը, իր արյունռուշտ կոչերն այն փաստի հետ, որ սահմաններին որոշակի լարվածություն կա, որ ադրբեջանական զորքերի կուտակում կա, անում է նմանատիպ հայտարարություններ»,- այս մասին այսօր ԱԺ-ում ելույթ ունենալով ելույթում շեշտեց «Քաղաքացիական պայմանագիր» խմբակցության պատգամավոր Վահագն Ալեքսանյանը՝ արձագանքելով Հայկ Մամիջանյանի երեկվա հայտարարությանը։
«Հետո էլ, պարո՛ն Մամիջանյան, այստեղից հայտարարեցիք, թե երբ կանչը հնչի, կգա գործելու ժամանակը։ Պարո՛ն Մամիջանյան, ես կխնդրեմ էդքան պաթոսով չարտահայտվել և վայբերի SMS-ներին կանչ չանվանել, որովհետև բոլորս էլ գիտենք, թե ձեր կանչ կոչվածը ինչի հետ եք, ինչ SMS-ների հետ եք, որ, ամենայն հավանականությամբ, Viber-ով եք ստանում և ես վստահ եմ, որ մեր հայրենակիցների բացարձակ մեծամասնությունը գիտի, թե աշխարհագրական որ կետից եք ստանում այդ կանչերը։ Էստեղ ո՛չ Ձեր կանչերից վախեցող կա, ո՛չ Ձեր արյունռուշտ կոչերից վախեցող կա, ո՛չ էլ առհասարակ ձեզնից վախեցող կա»,- հայտարարեց իշխանական պատգամավորը՝ հավելելով՝ կարող եք էս ելույթը թարգմանել ու Viber-ով հետ ուղարկել։
Մանրամասները՝ տեսանյութում։
