18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Հիվանդասենյակներում, ախտորոշիչ սենյակներում տեսանկարահանող սարքերի տեղադրումը կարգելվի․ ՏԵՍԱՆՅՈՒԹ
Հասարակություն
12.09.2023 | 13:28
Հայաստանում բժշկական կազմակերպությունների ֆունկցիոնալ ախտորոշիչ կաբինետներում, միջամտությունների սենյակներում, հիվանդասենյակներում կարգելվի տեսալուսանկարահանող սարքերի օգտագործումը:
«Բնակչության բժշկական օգնության և սպասարկման մասին» օրենքում լրացում կատարելու մասին և կից ներկայացված օրենքների նախագծերի փաթեթը հեղինակել են «Քաղաքացիական պայմանագիր» խմբակցության պատգամավորներ Նարեկ Զեյնալյանը, Հրաչյա Հակոբյանն ու Լուսինե Բադալյանը:
Լուսինե Բադալյանը ԱԺ նիստում ներկայացրեց նախագիծը՝ նախ նշելով, որ բազմաթիվ բողոքներ են ստացել հիվանդանոցային պայմաններում տեսալուսանկարահանող սարքերի տեղակայման վերաբերյալ:
«Առաջարկում ենք բժշկական օգնություն և սպասարկում իրականացնող կազմակերպությունների ֆունկցիոնալ ախտորոշիչ կաբինետներում, միջամտությունների սենյակներում, հիվանդասենյակներում, լոգարաններում և սանհանգույցներում տեսալուսանկարահանող սարքերի օգտագործումն արգել:
Տեսալուսանկարահանող սարքեր օգտագործելու դեպքում բժշկական օգնություն և սպասարկում իրականացնող կազմակերպություններն իրենց կազմակերպության տարածքի տեսանելի հատվածներում տեղադրում են իրազեկման ցուցանակներ»,-նշեց Բադալյանը:
Եթե հայտնաբերվում է խախտում, ապա տեսանյութերը բժշկական օգնություն և սպասարկում իրականացնող կազմակերպություններում պահվում են մինչև խախտման դեպքի քննության կամ ծառայողական քննության ավարտը:
Տեսալուսանկարահանող սարքերի օգտագործման արդյունքում ստացված տվյալները տրամադրվում են օրենսդրությամբ սահմանված կարգով:
Ընդունվելու դեպքում օրենքն ուժի մեջ կմտնի 2024-ի հունվարի 1-ից:
Մանրամասները՝ տեսանյութում։
