14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ավինյանից թիկունքից հարված չեմ ստացել, ի տարբերություն Մարությանի. Նիկոլ Փաշինյան
Քաղաքականություն
11.09.2023 | 23:42
Ես ակտիվորեն սատարում եմ Ավինյանին, սակայն անվտանգային օրակարգը օբյեկտիվորեն շատ ժամանակ է տանում։ Այս մասին այսօր՝ սեպտեմբերի 11-ին, Պետրոս Ղազարյանի հետ հարցազրույցի ընթացքում ասաց ՀՀ վարչապետ Նիկոլ Փաշինյանը՝ պատասխանելով հարցին, թե ինչու ակտիվ չի աջակցում Ավինյանին։
Անդրադառնալով հարցին, որ Ավինյանն էլ, ինչպես Մարությանը, իշխող ուժին չէր աջակցում արտահերթ ընտրությունների ընթացքում՝ նա ասաց․ «Խորհրդարանական ընտրություններից առաջ երկար քննարկում ենք ունեցել ՔՊ վարչությունում, Տիգրան Ավինյանն էլ բոլորիս հետ միասին իրար աչքերի մեջ ենք նայել ու իրար բացատրություն տվել։
Մինչև հիմա Հայկ Մարությանը իմ աչքերի մեջ չի նայել, և չի ասել՝ ինչպես է, որ ես շեղվել եմ հեղափոխության արժեքներից, ինչպես է, որ իր ձևակերպմամբ՝ դարձել եմ «սև»։
Տիգրան Ավինյանը խորհրդարանական ընտրությունների ժամանակ ամեն կերպ աջակցել է ՔՊ-ին, կատարել վարչապետի պարտականությունները, և ես նրանից թիկունքից հարված չեմ ստացել, և չեմ էլ սպասում, որ կստանամ, ի տարբերություն Հայկ Մարությանի։
Սա ինձ համար պարզ մարդկային հարաբերությունների մասին է։ Ինչպես կարելի է պրոբլեմների բացակայության ժամանակ ձգտել ամեն գնով լինել մոտիկ և հասնել դրան, ես էլ դրան կասկածով չեմ վերաբերվել…»։
Հարցազրույցի ավարտին Փաշինյանը կոչ արեց «անկախության և ինքնիշխանության պահպանման» համատեքստում քվեարկել ՔՊ-ի՝ Տիգրան Ավինյանի օգտին․ «Հեղափոխության ժամանակ, երբ տոն էր Հայաստանում, մենք միասին էինք։ Այսօր Հայաստանի շուրջ դժվար ժամանակներ են, և հույս ունեմ, որ այժմ էլ միասին կլինենք, քանի որ մեր այս դաշինքն իր կենսունակությունը պետք է ապացուցվի դժվարին ժամանակներում»։
Մանրամասները՝ տեսանյութում։
