08.09.2026 | 23:30
Պապիկյանը այցելել է ՊՆ ուսումնական կենտրոն, հրամկազմին տրվել են մի շարք հանձնարարականներ
Չենք կարող մեր հարաբերությունները սառեցնել մյուս գործընկերների հետ. Փաշինյանը՝ ՌԴ-ի արձագանքի մասին․ ՏԵՍԱՆՅՈՒԹ
Քաղաքականություն
11.09.2023 | 22:37
ՀՀ վարչապետ Նիկոլ Փաշինյանը Հանրային հեռուստաընկերությանը տված հարցազրույցում անդրադարձավ մի շարք թեմաների՝ Հռոմի ստատուտի վավերացմանը, հայ-ամերիկյան զորավարժություններին և իր տիկնոջ` Ուկրաինա այցին:
«Ինչ է կատարվում հայ-ռուսական հարաբերություններում, ինչու ենք սրում այդ հարաբերությունները` երբ պատերազմին մոտ ենք»,- այս հարցին ի պատասխան Փաշինյանը նշեց․ «Իմ կնոջ այցն Ուկրաինա պետք չէ քաղաքականացնել, դա անհարկի քաղաքականացվում է»,- ասաց Փաշինյանը՝ մանրամասնելով՝ իր կինը երկար ժամանակ ներգրավված է «Առաջին տիկինների և ջենթլմենների միջազգային գործընկերության» մեջ։
«Նա դրա շրջանամներում մասնակցում է միջոցառումների, նման միջոցառում նաև Հայաստանում է նախատեսված։ Այստեղ չեմ կարծում, որ քաղաքական հետևություններ անելու անհրաժեշտություն կա»,- ասաց Նիկոլ Փաշինյանը։
Ինչ վերաբերում է հայ-ամերիկյան զորավարժություններին՝ վարչապետը նկատեց, որ ՀՀ-ԱՄՆ զորավարժություններ առաջին անգամ չեն տեղի ունենում:
«Մյուս կողմից էլ՝ Հռոմի ստատուտի վավերացումը մենք մեկնարկել ենք 2022 թ. դեկտեմբերին, պարզապես մեր ընթացակարգերով այն որոշակի ժամանակ է տանում: Ցավոք, այն վատ համընկնումներ ունեցավ ՌԴ և Հաագայի դատարանի հարաբերությունների համատեքստում. այդ գործընթացն ամենևին էլ կապված չէ ՀՀ-ՌԴ հարաբերությունների, այլ կապված է սահմանային լարվածության հետ»,- նշեց Փաշինյանը։
Վարչապետը հավելեց՝ հասկանալի է, որ անհանգստացնող ենթատեքստեր են ձևավորվում.«Բայց մենք չենք կարող մեր հարաբերություններն ու պարտավորությունները սառեցնել մյուս գործընկերների հետ, փորձում ենք բնականոն ձևով զարգացնել: Հռոմի ստատուտը ամենևին էլ մեր կառավարության օրոք չի ստորագրվել, այն նաև նախկինում չի վավերացվել այն պատճառով, որ ՍԴ-ն եզրակացրել է` հակասում է Սահմանադրությանը, բայց 2015 թ. մենք նոր Սահմանադրություն ունենք, այդ հակասությունները վերացված են»
Մանրամասները՝ տեսանյութում։
