01.07.2026 | 20:38
Ադրբեջանի և Հայաստանի հարաբերությունների կարգավորման գործընթացը հաջողությամբ շարունակվում է․ Ալիևը՝ ԵՀ նախագահին
2018-ից սկսած փոքր տնտեսություններին ուղղված բոլոր ծրագրերը ձախողվել են․ Փաշինյան․ ՏԵՍԱՆՅՈՒԹ
Տնտեսություն
07.09.2023 | 12:09
2023 թվականի խաղողի մթերումների գործընթացի կազմակերպման միջոցառումների շրջանակներում խաղող մթերողների սուբսիդավորման արդյունքում մթերման նվազագույն գինը 110 դրամից նվազելու է մի դեպքում՝ 80 դրամի, մյուս դեպքում՝ 60 դրամի:
Միջոցառումներով նախատեսված է, որ 5 հազար տոննայից ավելի խաղող մթերողների համար պետությունը ամեն մեկ կգ խաղողի դիմաց կսուբսիդավորի 30 դրամ, իսկ 10 հազար տոննան գերազանցողների դեպքում՝ 50 դրամ: «Այսինքն հավելյալ սուբսիդավորումը ոչ թե գնալու է գյուղացուն, ոչ թե խաղողի ինքնարժեքն ենք բարձրացնելու եւ դարձնենք 140 համ 160 դրամ, այլ տնտեսվարող սուբյեկտին ենք սուբսիդավորելու, որից մթերքի ինքնարշեքն է ընկնելու:
Մտահոգություն կա, որ փոքր տնտեսվարողները այս պարագայում էլ ավելի դժվար մրցակցության մեջ են գտնվելու, քանի որ փաստացի նրանց համար խաղողի մթերման գինը 110 դրամ է լինելու»,- նշեց Մրցակցության պաշտպանության հանձնաժողովի նախագահ Գեղամ Գևորգյանը:
Վարչապետ Նիկոլ Փաշինյանն արձագանքեց, որ փոքր տնտեսվարողներին աջակցելով՝ ոչ մի տնտեսական էֆեկտ չի արձանագրվել։ «Փոքրն էլ թող ներդրում անի մեծանա, մեր խնդիրը գյուղացու խաղողը մթերելն է: Մեր շահառուն գյուղացին է, մենք ուզում ենք՝ գյուղացին գոնե 110 դրամով կարողանա խաղող մթերել: Ձեր ասած փոքրերը վիճակագրական շեղում է մեր ծրագրի մեջ: Մենք մեղավո՞ր ենք, որ ինքը փոքր է, խանգարե՞լ ենք, որ ինքը մեծանա՞: Ի՞նչ անենք, ի՞նչ առաջարկ ունեք»,- նշեց վարչապետը՝ հավելելով, որ 2018 թվականից սկսած՝ այն բոլոր ծրագրերը, որոնք միտված են եղել փոքր տնտեսվարողներին, բոլորը ձախողվել են:
«Գործնականում ինչ է նշանակում՝ պետությունը սպիրտ է գնում»,- դիմելով փոխվարչապետ Տիգրան Խաչատրյանին՝ հարցրեց վարչապետ Նիկոլ Փաշինյանը։
«Նախ ամեն սպիրտ չէ, որ գնելու ենք, երկրորդ՝ սպիրտի որակը պետք է ստուգվի հեղինակավոր եվրոպական լաբորատորիաներում։ Սպիրտի գնումը երկու եղանակով է իրականացվելու՝ ըստ էության՝ շրջանառու միջոց ենք ապահովում, որպեսզի արտադրողը կարողանա գյուղացուն վճարել, սպիրտը կմնա պետության սեփականությունը, բայց արտադրողի տարածքում՝ դրոշմավորցած, և երբ արտադրողը ցանկություն կհայտնի այդ սպիրտը գնել, հետ կվաճառենք իրեն»,- պարզաբանեց փոխվարչապետը։
«Նո՞ւյն գնով»,- հետաքրքրվեց Փաշինյանը։
«Այդ հարցը կքննարկենք, դեռ ժամանակ կա։ Էկոնոմիկայի նախարարությունն առաջարկ կներկայացնի, մենք կորոշենք՝ համաձայնվել այդ առաջարկին, թե ոչ։ Եթե արտադրողը ցանկություն չի հայտնի գնել, այդ սպիրտը կվաճառենք դրսում»,-նշեց Խաչատրյանը։
Մանրամասները՝ տեսանյութում։
