Պաշտոնական Բաքուն արձագանքել է Նիկոլ Փաշինյանի՝ Արցախում ցեղասպանություն իրականացնելու հայտարարությանը

Լուրեր

22.11.2026 | 20:00
Շինաղբի սարեր Հայաստանի ձորերում․ կառուցապատման բումի անտեսված ՇԵՐՏԵՐԸ. ՏԵՍԱՆՅՈւԹ
22.11.2026 | 19:25
COP31-ի մասնակիցներին չի հաջողվել համաձայնեցնել եզրափակիչ հայտարարությունը․ համաժողովն ավարտվել է սկանդալով
22.11.2026 | 18:54
«Պալաչ» մականունով հայտնի Արթուր Հարությունյանը ԿԸՀ դատարկ հայտարարագիր է ներկայացրել
22.11.2026 | 18:31
Երևանի Մալաթիա-Սեբաստիա վարչական շրջանի մի շարք հասցեներում ջրանջատում կլինի
22.11.2026 | 18:13
Ֆրանսիայում տասնյակ հազարավոր մարդիկ կրկին դուրս են եկել բողոքի ցույցերի
22.11.2026 | 17:52
Հայաստանի մի շարք շրջաններում ձյուն և ձնախառն անձրև է տեղում
22.11.2026 | 17:32
Պաշտպանության փոխնախարար Կարեն Բրուտյանն այցելել է զորամասեր և ամրացված շրջաններ
22.11.2026 | 17:11
Դատարանը մերժել է Վալերիյ Օսիպյանից պետության նվիրած բնակարանը բռնագանձելու՝ Դատախազության պահանջը
22.11.2026 | 16:34
Ռազմական ոստիկանությունը կուժեղացնի պայքարը քրեական ենթամշակույթի և արատավոր բարքերի դեմ
22.11.2026 | 15:59
Արմավիրի մարզի մի շարք բնակավայրերում փորձարկվելու են էլեկտրական շչակներ․ ՓԾ
22.11.2026 | 15:13
Նոյեմբերի 22-ին Դավթաշենի 4-րդ թաղամասում ջուր չի լինի
22.11.2026 | 14:50
Կրասնոդարի երկրամասում ուկրաինական անօդաչուների հարձակման հետևանքով 5 մարդ է տուժել․ հնարավոր է՝ թիրախավորվել է Ռոսգվարդիայի շենքը
22.11.2026 | 14:29
Նոյեմբերի 22-ին Գորիսի մի շարք հասցեներում ջուր չի լինի
22.11.2026 | 14:13
Հայաստանում օդի ջերմաստիճանը կնվազի 8-10 աստիճանով․ սպասվում են անձրև և ուժեղ քամի
22.11.2026 | 13:32
Ուժեղ քամին վնասել է տանիքներ և արևային վահանակներ․ ահազանգեր՝ երկու մարզից
Բոլորը

ՀՀ Կառավարության՝ ամեն շաբաթ անցկացվող նիստերից հետո պաշտոնական Բաքուն սկսել է մեկնաբանել վարչապետ Նիկոլ Փաշինյանի հայտարարությունները։ Այսօր նույնպես Բաքվին դուր չեն եկել Փաշինյանի՝ Արցախի վերաբերյալ հայտարարությունը, որ Ադրբեջանն Արցախում ցեղասպանության քաղաքականություն է իրականացնում։

«Վարչապետին ուզում ենք հիշեցնել, որ հայերի որոշ ներկայացուցիչների սադրիչ գործողությունների դեմ առարկելու փոխարեն, որոնք դեմ են ապրանքներ հասցնելու համար Լաչինի ճանապարհով երթևեկությունն ակտիվացնելու առաջարկին՝ Աղդամ-Ստեփանակերտ ճանապարհի օգտագործմանը զուգահեռ, Ադրբեջանին մեղադրում է հայ բնակիչներին սովամահ անելու մեջ։ Եթե ​​հայկական կողմին իսկապես անհրաժեշտ լինեին տեղափոխվող ապրանքները, նրանք խաղաղապահ զորախմբից չէին պահանջի փակել Կարմիր մահիկի բեռների ճանապարհը և այդպիսով չէին խոչընդոտի այդ ապրանքների առաքմանը։ Հայ բնակիչների մոտեցումը ևս մեկ անգամ ցույց տվեց, որ Հայաստանի և հայ բնակիչների որոշ ներկայացուցիչների հայտարարությունները մարդասիրական իրավիճակի վերաբերյալ ոչ այլ ինչ են, քան քաղաքական շահարկումներ»,- ասվում է Ադրբեջանի ԱԳՆ հայտարարության մեջ։

Ադրբեջանը, ինչպես միշտ, հերքում է նաև էթնիկ զտումների իր քաղաքականությունը։

«Ինչ վերաբերում է Լաչինի ճանապարհը միակողմանի բացելու և հայ բնակիչներին արտաքսելու ծրագրերի մասին պնդումներին, ապա ուզում ենք նշել, որ ներկայում պայմաններ են ստեղծվում Լաչինի անցակետով հայ բնակիչների՝ երկու ուղղություններով տեղաշարժի համար, և ադրբեջանական կողմին տարածաշրջանում էթնիկ զտումների քաղաքականություն վարելու համար մեղադրելն անհեթեթ է»,- ասվում է Բաքվի հայտարարությունում։

Բացի այդ, Ադրբեջանը շարունակում է Հայաստանի հասցեին անհիմն և կեղծ մեղադրանքներ հնչեցնել ու կոչ անում Հայաստանի վարչապետին «աջակցել Ղարաբաղի հայազգի բնակիչների վերաինտեգրման քաղաքականությանը»։

Հիշեցնենք, որ Նիկոլ Փաշինյանը Կառավարության նիստում հայտարարել էր, որ Ադրբեջանը շարունակում է Արցախում ցեղասպան քաղաքականությունը։

«Փարիզի քաղաքապետի գլխավորած պատվիրակությունը մի շարք ռեգիոնների կողմից ուղարկված հումանիտար այդ շարասյունն ուղեկցեց Կոռնիձոր: Այսուհանդերձ, ո՛չ այս, ո՛չ հուլիսի 26-ից նույն հատվածում կայանված հումանիտար ավտոշարասյանը հնարավորություն չի տրվել մուտք գործել ԼՂ: Սա նշանակում է, որ Ադրբեջանը ՌԴ խաղաղապահ զորախմբի ներկայությամբ շարունակում է ԼՂ հայությանը սովահարության միջոցով ցեղասպանության ենթարկելու քաղաքականությունը: Այդ քաղաքականության հիմնական նպատակն է ԼՂ տարածքն ազատել հայերից: Ինչպես նախկինում ասել եմ՝ այս հրեշավոր ծրագրի զարգացման սցենարներից մեկը հետևյալն է. Ադրբեջանը պլանավորում է հումանիտար ճգնաժամի ամենասուր հատվածում կամ գուցե ավելի սուր հատվածում միակողմանիորեն բացել Լաչինի միջանցքը, այսինքն՝ ԼՂ-ից թույլատրել մարդկանց ելքը և թույլ չտալ վերադարձը»,- նշել է վարչապետը՝ ընդգծելով, որ ցեղասպանության և հայրենազրկման այս քաղաքականությունը տեղի է ունենում միջազգային հանրության աչքի առաջ:

«Ինչպես և նախկինում ասել եմ՝ ստեղծված իրավիճակի ելքը տեսնում եմ միջազգային մեխանիզմի շրջանակում՝ Բաքու-Ստեփանակերտ երկխոսության միջոցով»,- ասել էր Փաշինյանը։

Էմմա Չոբանյան