24.11.2024 | 12:19
Ռումինիայում նախագահական ընտրություններ են
«ՀայաՔվե» նախաձեռնության անդամները 58 հազար ստորագրություն հանձնեցին ԿԸՀ
Քաղաքականություն
31.08.2023 | 12:46
«ՀայաՔվե» քաղաքացիական-օրենսդրական նախաձեռնության անդամներն այսօր ավելի քան 58․000 քաղաքացու ստորագրություն են հանձնել Կենտրոնական ընտրական հանձնաժողով։ Այս մասին լրագրողների հետ ճեպազրույցում ասաց «ՀայաՔվե» նախաձեռնող խմբի անդամ Ավետիք Չալաբյանը։
«Ստորագրահավաքի ավարտից հետո մենք բոլոր ստորագրությունները թվայնացրել ենք, վերամշակել ենք, պարզել ենք սխալների տոկոսը, որը, մեր կարծիքով, չի գերազանցում կես տոկոսը։ Այս առումով մենք վստահ ենք, որ ԿԸՀ-ն որևէ առիթ չի ունենա մերժել քաղաքացիներին։ ԿԸՀ-ն կունենա մեկ ամիս դա վավերացնելու համար, հուսով ենք, որ ավելի շուտ տեղի ունենա»,- ասաց Չալաբյանը։
Երբ «ՀայաՔվե»-ն ԿԸՀ-ից կստանա վավերացված ստորագրությունները, օրենքի նախագծով կդիմի Ազգային ժողով։
«Պիտի սպասեք, որ դա է լինելու այս գործողության կուլմինացիան, որովհետև մենք բացարձակ վճռական ենք տրամադրված, որպեսզի ԱԺ-ում օրենքի նախագիծն ընդունվի»,- ընդգծեց Չալաբյանը։
Հիշեցնենք, որ նախաձեռնության նպատակը Ազգային ժողով Քրեական օրենսգրքում կատարվող փոփոխությունների նախագիծ ներկայացնելն է, որով առաջարկվելու է Արցախն Ադրբեջանի կազմում ճանաչող պաշտոնատար անձին 10-15 տարվա ազատազրկման դատապարտել։
Արփի Հակոբյան
