06.08.2026 | 12:30
Ի՞նչ տարբերություն, թե երբ կհրապարակվի Սահամանադրության տեքստը․ Սրբուհի Գալյան. ՏԵՍԱՆՅՈՒԹ
Մեր պահանջի առաջին հասցեատերը ՌԴ-ն է․ խաղաղապահների ուղեկցությամբ են առևանգվել երիտասարդները․ ակցիայի մասնակից․ ՏԵՍԱՆՅՈՒԹ
Քաղաքականություն
29.08.2023 | 18:55
Այսօր՝ օգոստոսի 29-ին, Արցախի դրոշներով և պաստառներով բողոքի ակցիա է տեղի ունենում Երևանում Ռուսաստանի դեսպանատան դիմաց: Ակցիայի մասնակիցները վանկարկում են՝ «Ոչ տեռորիզմին», «Արցախ», «Ազատություն առևանգված հայերին»:
«Մեր պահանջի առաջին հասցեատերը ՌԴ-ն է․ խաղաղապահների ուղեկցությամբ են առևանգվել երիտասարդները»,- լրագրողների հետ զրոյցում նշեց ակցիայի մասնակիցներից մեկը։
Ակցիան մեկնարկել է նախօրեին՝ մի խումբ քաղաքացիներ Երևանում ՌԴ դեսպանատան մոտ նստացույց ու իրազեկման երթ էին կազմակերպել՝ պահանջելով պարզաբանումներ Հակարիի կամրջի մոտ տեղակայված ադրբեջանական ապօրինի անցակետի մոտից ՌԴ խաղաղապահների ուղեկցությամբ Արցախից ՀՀ տեղափոխվելու ժամանակ ադրբեջանցիների կողմից արցախցի երեք երիտասարդների առևանգման դեպքի առնչությամբ:
Ակցիայի մասնակիցները պահանջում են վերադարձնել հայ տղաներին և բացել բերձորի միջանցքը։
Նշենք, որ ադրբեջանցիներն առևանգված երեք երիտասարդներին մեղադրում են իրենց դրոշն «անարգելու» համար:
Մանրամասները՝ տեսանյութում։
