07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Տրանսպորտի միասնական տոմսային համակարգի ռեֆորմը ընթացքի մեջ է․ կա հաղթող ընկերություն․ Գալջյան․ ՏԵՍԱՆՅՈՒԹ
Տնտեսություն
29.08.2023 | 11:24
Նախընտրական քարոզարշավի շրջանակներում արձանագրում ենք, որ տրանսպորտի սպասարկումից բողոքներն, ըստ էության, վերացել են։ «Երևանի տրանսպորտի խնդիրը. ինչպես և երբ է լուծվելու» թեմայով քննարկման ժամանակ այս մասին նշեց Երևանի ավագանու «Իմ քայլը» խմբակցության ղեկավար Արմեն Գալջյանը։
«Ինչ վերաբերում է բարեփոխումների շարունակությանը, միասնական տոմսային համակարգի ներդրումն իրականացվում է, ընթացքի մեջ է, արդեն կա հաղթող ընկերություն, որը ծառայությունը մատուցելու է, այսինքն՝ մինչև տարեվերջ մենք կունենանք միասնական տոմսային համակարգ, որով հնարավոր կլինի օգտվել ինչպես ավտոբուսներից, տրոլեյբուսներից, այնպես էլ մետրոյից»,- նշեց Գալջյանը։
Նա նաև հայտնեց, որ ներդրվում են GPS համակարգեր, որոնք առաջիկա երեք ամիսների ընթացքում փուլ առ փուլ կտեղադրվեն հանրային տրանսպորտում, և քաղաքացին «Յանդեքս» հավելվածով հնարավորություն կունենա հետևել, թե տրանսպորտը քանի րոպեն մեկ է գալիս և քանի րոպեից կհասնի։
«Մենք նաև առաջիկա տարիներին պլանավորում ենք ձեռք բերել էլեկտրաավտոբուսներ, որոնք ամբողջական կդարձնեն տրանսպորտի բարեփոխումը»,- հավելեց ավագանու «Իմ քայլը» խմբակցության ղեկավարը։
Մանրամասները՝ տեսանյութում։
