Եթե ինչ-որ մեկը հանել է Հայկ Մարությանին տեսանյութից, ամոթալի է․ Ավինյան․ ՏԵՍԱՆՅՈՒԹ

«Ես չեմ ուզում մեկնաբանել, որովհետև չգիտեմ՝ ինչ տեսանյութի մասին է խոսքը, բայց եթե ինչ-որ մեկը «Ազգային առաջընթաց» կուսակցության քաղաքապետի թեկնածու, Երեւանի նախկին քաղաքապետ Հայկ Մարությանին տեսանյութից հանել է, ամոթալի է»,- այս մասին այսօր նախընտրական քարոզարշավի ժամանակ ասաց Երևանի քաղաքապետի տեղակալ, «Քաղաքացիական պայմանագիր» կուսակցության՝ Երեւանի քաղաքապետի թեկնածու Տիգրան Ավինյանը՝ անդրադառնալով համացանցում տարածված այն տեսանյութին, որտեղ ստորագրվում է եվրոպական ավտոբուսների ձեռքբերման համաձայնագիրը, և, Հայկ Մարությանի պնդմամբ, իրեն այդ տեսանյութի սքրինշոթից «Քաղաքացիական պայմանագիր»-ը միտումնավոր հեռացրել է, և դա իր էջում կիսվել է ՔՊ պատգամավոր, կուսակցության վարչության փոխնախագահ Վահագն Ալեքսանյանը:

«Ես չեմ կարծում, որ Վահագն Ալեքսանյանը որևէ մեկին որևէ տեսանյութից հանել է, կարող է պարզապես տեսանյութն է հրապարակել: Մյուս կողմից, այն, ինչ իրականացրել է Կառավարությունը, Երևանի ավագանին, դա նախաձեռնել է փոխվարչապետ Տիգրան Ավինյանը, և դա վերագրել միայն մեկ հոգու, որն իրականացրել է մի ամբողջ քաղաքական թիմ: Կառավարությունն է այդ վարկի պատասխանատուն, Կառավարությունն է այսօր այդ վարկը մարում, նախաձեռնել է իմ գրասենյակը: Ես չեմ կարող ասել, որ մենակ ես եմ արել, դա արել է քաղաքական թիմը: Առհասարակ խոշոր որեւէ ծրագիր մեկ մարդը չի կարող անել, դա պետք է անի քաղաքական թիմը»,- նշեց Ավինյանը:

Մանրամասները՝ տեսանյութում։