Այդտեղ խնդիր չկա. Ավինյանը` աղմկահարույց ձայնագրության մասին. ՏԵՍԱՆՅՈՒԹ

Այսօր մեկնարկել է սեպտեմբերի 17-ին կայանալիք Երևանի ավագանու ընտրությունների քարոզարշավը։ 24 օր շարունակվելիք քարոզարշավի ընթացքում երևանցիներին նախընտրական ծրագիր կներկայացնի 14 քաղաքական ուժ։

Քարոզարշավի մեկնարկը «Քաղաքացիական պայմանագրի» քաղաքապետի թեկնածու Տիգրան Ավինյանը սկսեց Նուբարաշեն համայնքից:
Արձակուրդում գտնվող փոխքաղաքապետը քարոզարշավի էր եկել քաղաքապետարանի մի քանի վարչության պետերի հետ:

Սա արդեն անհավասար մրցապայքար չե՞ք դիտարկում, որպես փոխքաղաքապետ Ձեր արածը հիմա որպես քաղաքապետի իշխանական թեկնածու եք ներկայացնում ու ասում, որ կշարունակեք։ Պատասխանելով այս հարցին՝ Ավինյանը նշեց․ «Վարչության այդ պետերը, որոնց տեսնում եք, նաև մեր ցուցակում են։

Ինձ իմ արած աշխատանքի համար են մեղադրում, չեն ասում վատ եմ արել, այլ մեղադրում են, որ արել եմ: Այգիներ, պուրակներ, մանկապարտեզներ, 35 հեկտար անտառ է տնկվել, 2025-ի ավարտին չպետք է մնա մանկապարտեզ, որ դեռ վերանորոգված չէ:

Բարեկարգվում են բակեր… դուք ասել եք, մենք արել ենք, «ասեք ու մենք դա կանենք, ժողովուրդ ջան: Յուրաքանչյուր գործ անելու համար մեզ պետք է կամք, ունենք դա: Ինչպես համայնքի ղեկավարներն իրենց համայնքի խնդիրների համար կռիվ են տալիս ինձ հետ, ես էլ՝ Երևանի»:

Անդրադառնալով աղմկահարույց ձայնագրությանը՝ ՔՊ կուսակցության համար ձայներ ապահովելու վերաբերյալ, Ավինյանը նշեց․ «Այդտեղ խնդիր չկա, ընդամենը կուսակցականները խոսում են քարոզչություն իրականացնելու մասին»։

Մանրամասները՝ տեսանյութում։