Թույլ չենք տա կործանել Արցախը. Ռուբեն Վարդանյան․ ՏԵՍԱՆՅՈՒԹ

Ընթանում է «Ապրելու երկիր» կուսակցության նախընտրական քարոզչության մեկնարկն ազդարարող միջոցառումը։

«Կոչ եմ անում բոլոր երևանցիներին՝ ակտիվ մասնակցել ընտրություններին, և իրենց ձայնը տալ «Ապրելու երկիր» կուսակցությանը, որն առաջարկում է նոր մոտեցում և նոր ուղի է ցույց տալիս»,- այս մասին այսօր՝ օգոստոսի 23-ին մեկնարկած Երևանու ավագանու նախընտրական քարոզարշավին Արցախից տեսակապով հայտարարեց Արցախի նախկին պետնախարար Ռուբեն Վարդանյանը ՝ հավելելով՝ Երևանը ՀՀ-ի մոտ կեսն է, Երևանում են կուտակված մեծ ռեսուրսներ, մենք ունենք հնարավորություններ, որ մարդկանց ցույց տանք՝ ինչ պետք է անել, որ փոխվի ամբողջ Հայաստանում իրավիճակը:

«Մենք անցնում ենք շատ կարևոր ճանապարհ: Մենք փորձում ենք վերականգնել մեր պետությունն ու պետական մտածելակերպը, որովհետև հայրենիքն առանց պետության շատ դժվար է պահպանել: Մենք հարյուրավոր տարիներ դրա համար մեծ գին ենք վճարել: Ես վստահ եմ, որ մենք կհաղթահարեք բոլոր այն դժվարությունները, որոց առջև կանգնած ենք։

Ոչ մեկ ոչ մի բան մեզ չի ապահովելու և մեզ պարտական չէ: Եթե մենք խոսում ենք մեր ապագայի ու հայրենիքի մասին, ապա դա մեր պատասխանատվությունն է․․․ Մենք գիտենք, թե դա ինչպես պետք է անենք, ապագան մենք ենք կերտում: Ապագան ունի կարևոր մի հատկանիշ․ արժանապատիվ, հայրենասեր, ուժեղ պետություն ունեցող, իրեն հարգող հայի մասին է խոսքը»,- ասաց Ռուբեն Վարդանյանը:

Ռուբեն Վարդանյանի խոսքով՝ Արցախում այսօր առկա են շատ լուրջ մարտահրավեր։
«Արցախն ու Հայաստանն իրար շատ կապված եղբայրներ են, որոնցից մեկն առանց մյուսի չի կարող ապրել:
Ես վստահ եմ՝ մեր ապագան որոշվում է Արցախում։ Եվ Հայաստանում ապրող մարդիկ պետք է փոխեն իրենց վերաբերմունքը Արցախում ստեղծված իրավիճակի նկատմամբ․․․

Միայն ուժեղը կարող է խաղաղության պայմանագիր կնքել, թույլը չի կարող կյանքում ինչ-որ մի բան ստորագրել»,- նշեց Վարդանյանը՝ ընդգծելով՝ մենք պատասխանատու ենք մեր ապագայի համար և թույլ չենք տա կործանել Արցախը։

Մանրամասները՝ տեսանյութում։