15.09.2026 | 21:11
Ալիևը Եվրախորհրդարանը «կոռուպցիոներների որջ» է անվանել ու եվրոպական կառույցներին մեղադրել ՀՀ-ին աջակցելու մեջ
Չինաստանը և Հնդկաստանը խոստանում են խաղաղություն պահպանել վիճելի սահմանային շրջաններում
Քաղաքականություն
16.08.2023 | 22:55
Չինաստանի և Հնդկաստանի հրամանատարությունները, հետևելով օգոստոսի 14-ին և 15-ին կայացած բանակցությունների 19-րդ փուլի արդյունքներին, խոստացել են պահպանել խաղաղությունն ու հանգստությունը երկրների միջև Փաստացի վերահսկողության գծում (LAC)։ Ինտերֆաքսի փոխանցմամբ՝ այս մասին հայտնում է Չինաստանի ՊՆ-ն։
LAC-ը երկրների դե ֆակտո սահմանն է, այն օրինականորեն ճանաչված է Չինաստանի և Հնդկաստանի միջև կնքված պայմանագրերում։
Բացի այդ, կողմերը պայմանավորվել են վիճելի հարցերը հնարավորինս արագ լուծելու և «ռազմական ու դիվանագիտական ուղիներով երկխոսության ու բանակցությունների դինամիկան պահպանելու անհրաժեշտության մասին»։
Հուլիսի վերջին Հնդկաստանը դատապարտել է Չինաստանին, որը շարունակում է հատուկ վիզաներ տրամադրել Հնդկաստանի հյուսիսարևելյան Արունաչալ Պրադեշ նահանգի բնակիչներին, որը ձևավորվել էր 1962 թվականին չին-հնդկական սահմանային հակամարտությունից հետո: Չինաստանը Արունաչալ Պրադեշը համարում է հարավային Տիբեթի իր բաղկացուցիչ տարածքների մի մասը։
Իր հերթին, Հնդկաստանը 1960-ականներից վիճարկում է ՉԺՀ-ի վերահսկողությունն Ակսայչինի նկատմամբ, որը գտնվում է Չինաստանի, Հնդկաստանի և Պակիստանի սահմանագծում: Հնդկաստանն այն ընդգրկում է Լադաքի տարածաշրջանի մեջ։
Լադաքի շրջանում իրավիճակը սկսել է սրվել 2020 թվականի մայիսին՝ չինացի և հնդիկ զինվորականների միջև բախումներով։
