14.12.2025 | 16:37
Ֆիշինգը թիվ 1 կիբեռսպառնալիքն է այսօր․ Մխիթար Հայարապետյան
Թուրքիան և Ղազախստանը Կասպից ծովում կառուցելու են նավաշինարան
Քաղաքականություն
14.08.2023 | 22:53
1954-ին հիմադրված թուրքական մասնավոր շինարարական ընկերությունը «YDA Group» հայտարարել է, որ կստանձնեն եղբայրական Ղազախստանի հետ համատեղ նախագծի իրականացումը, որը կսկվի Կասպից ծովում նավաշինարանի կառուցումից։ Ermenihaber-ը տեղեկացնում է, որ ծրագրի մյուս գործընկերը Ղազախստանի Ուրալսկի գործարան «Զենիթ» ընկերությունն է։
Ծրագրի առաջին փուլը կսկվի նավաշինարանից, այնուհետև այն կվերածվի նավահանգստի։ Ղազախստանի նավատորմի և տնտեսության կարիքների համար նավաշինարանում կիրականացվեն տարատեսակ հարթակների նախագծման և շինարարական աշխատանքներ։
Ընդգծվել է, որ նախագիծն ունի աշխարհաքաղաքական նշանակություն, և կարևորվել է Կասպից ծովի դիրքը համաշխարհային էներգետիկ և առևտրային հաշվեկշռի մեջ։ Նախագիծը կմեկնարկի այս տարվա վերջին։
Նշվում է, որ վերոնշյալ նախագծում Թուրքիայի ակտիվ դերակատարումը կնպաստի երկու երկրների արտահանմանը, իսկ հետո՝ տարածաշրջանային առևտրին։ Այս էներգետիկ և առևտրային բազաները, որոնք Թուրքիան տարիներ շարունակ պահպանել է Ադրբեջանի հետ, այժմ շարունակում է Ղազախստանի հետ։
Հիշեցնենք, որ պայմանագիրը կնքվել էր «IDEF–23» ռազմական արդյունաբերության միջազգային ցուցահանդեսի շրջանակում։
