17.08.2026 | 11:05
Բանավոր հրահանգ էիք տվել, որ 56 հազար բնակչություն ունեցող համայնքը հոսանքազրկեն․ Գարիկ Սարգսյանը՝ Դավիթ Ղազինյանին․ ՏԵՍԱՆՅՈՒԹ
Գնացե՛ք բակեր, շփվե՛ք բնակիչների հետ. Փաշինյանի` հանձնարարությունը պաշտոնյաներին․ ՏԵՍԱՆՅՈՒԹ
Քաղաքականություն
11.08.2023 | 12:50
Կառավարության այսօրվա նիստում ՀՀ վարչապետ Նիկոլ Փաշինյանը կառավարության անդամներին խորհուրդ տվեց առանց թիմերի կողմից ծրագրման գնալ բակեր, նստել ու խոսել մարդկանց հետ և լսել առկա խնդիրների մասին։
«Վերջին օրերին ես մարզերում եմ եղել, և դա` ոչ պաշտոնապես։ Խնդիրներ եմ արձանագրել, որոնք գործնականում ոչ մի զեկույցում և նիստում չեն արձանագրվել։
Դրանցից մեկը կապված է ճանապարհների սպասարկման հետ, ինչը, մեղմ ասած, շատ վատ է։
Հանրապետությունում եզրային գծանշումներ կան, որ 7-8 սմ ավազի տակ են, երթևեկելի հատվածը նորմալ գծանշված չէ։ Ճանապարհային նշաններ էլ կան, որ 1990-ականներից այս կողմ չեն փոխվել։ Օրինակ` Խոր Վիրապի ցուցանակն առնվազն իմ տարիքին է։ Ճանապարհներին էլ փոսերը բազմաթիվ են։ Մտքներովդ չի՞ անցնում, թե ինչի պետք է ես զբաղվեմ այս հարցերով»,- շեշտեց Փաշինյանը։
Վարչապետը հանձնարարեց կառավարության անդամներին ժամանակ առ ժամանակ, առանց ծրագրավորելու, ուղղակի գնալ ու մտնել բակեր, նստել մարդկանց հետ․ «Գնացե՛ք բակեր, շփվե՛ք բնակիչների հետ»։
Փաշինյանի դիտարկմամբ՝ այդ ժամանակ շատ հարցեր ի հայտ կգան, որոնք ոչ մի այլ խողովակով չեն պարզվի։
Վարչապետը նշեց, որ անգամ համաձայն է, որ կառավարության անդամներն աշխատանքային որոշ օրեր օգտագործեն այդ նպատակով, բայց դա պետք է արվի ոչ պաշտոնական տարբերակով։
Մանրամասները՝ տեսանյութում։
