06.08.2026 | 15:39
Նոր քրեական գործ՝ Ծառուկյանի ու Առուստամյանի նկատմամբ․ ըստ ՔԿ-ի, 2,5 մլն դոլարի գույք է հափշտակվել
Օկամպոյի զեկույցը կարող է ապագայում մեղադրանք դառնալ Ադրբեջանի ղեկավարության դեմ. Էդմոն Մարուքյանի արձագանքը Հիքմեթ Հաջիևին
Քաղաքականություն
10.08.2023 | 20:54
ՀՀ հատուկ հանձնարարություններով դեսպան Էդմոն Մարուքյանն անդրադարձել է Ադրբեջանի նախագահի օգնական Հիքմեթ Հաջիևի մեղադրանքներին՝ ուղղված Միջազգային քրեական դատարանի (ՄՔԴ) նախկին դատախազ Լուիս Մորենո Օկամպոյի զեկույցին։
«Միջազգային քրեական դատարանի նախկին գլխավոր դատախազի զեկույցում եզրակացություն է արվում Ադրբեջանի կողմից վարվող ցեղասպան քաղաքականության մասին, և եթե այն կողմնակալ լիներ կամ հիմնված չլիներ փաստերի վրա, Հիքմեթ Հաջիևը և ադրբեջանական ողջ քարոզչությունը երբեք ուշադրություն չէին դարձնի դրան և իրենց ժամանակից ոչ մի րոպե չէին ծախսի դրան անդրադառնալու համար: Հետևաբար, սա փաստերով և վերլուծություններով զեկույց է, որն ապագայում կարող է մեղադրական եզրակացություն դառնալ Ադրբեջանի ղեկավարության դեմ»,- թվիթերյան էջում գրել է Էդմոն Մարուքյան։
Նշենք, որ Հաջիևը ՄՔԴ նախկին դատախազի զեկույցը կողմնակալ էր որակել։
Էմմա Չոբանյան
