03.10.2026 | 15:07
ՄԻՊ-ը և ՅՈՒՆԻՍԵՖ-ը քննարկել են երեխաների իրավունքների պաշտպանության առաջնահերթությունները
Հրատապ է վարչապետին օժտելու գերագույն գլխավոր հրամանատարի լիազորություններով նաև խաղաղ պայմաններում․ Տոնոյան․ ՏԵՍԱՆՅՈՒԹ
Քաղաքականություն
01.08.2023 | 15:02
Խաղաղ պայմաններում կառավարման համակարգը, իհարկե, ունեցել է թերություններ, որոնք մենք շտկում էինք՝ և՛ իրավական, և՛ կազմակերպչական առումով, բայց պաշտպանությանը վերաբերող հարցերը անընդհատ փոփոխության մեջ են։ Այդ մարմինն անընդհատ մոդեռնիզացվում է։ Այս մասին այսօր՝ օգոստոսի 1-ին, ԱԺ 44-օրյա պատերազմի հանգամանքներն ուսումնասիրող քննիչ հանձնաժողովի նիստի ժամանակ ասաց պաշտպանության նախկին նախարար Դավիթ Տոնոյանը։
«Իմ գնահատականը եղել է այն, որ կառավարման համակարգը բավարար է, բայց ոչ բավարար՝ այդ աստճանի և ծավալի ռազմական գործողությունների վարման համար։
Կառավարման համակարգի թերություններին բախվեցինք և՛ ես, և՛ ԳՇ-ն, և՛ վարչապետը»,- նշեց պաշտպանության նախկին նախարարը՝ հավելելով, որ փոփոխությունների անհրաժեշտություն կա։
«Շտապ փոփոխության անհրաժեշտություն կա, որոշ փոփոխություններ իրականացվել են, բայց դրանք բավարար չեն։
Հրատապ է վարչապետին օժտել Գերագույն հրամանատարի լիազորություններով նաև խաղաղ պայմաններում»,- կարծիք հայտնեց պաշտպանության նախկին նախարարը։
Մանրամասները՝ տեսանյութում։
