15.09.2026 | 21:45
Եվրոպան Հայաստանին ցույց տվեց, որ կարող է լինել հուսալի գործընկեր՝ ոչ միայն խոսքով․ Բոգդան Զդրոևսկին՝ ԵԽ-ում քվեարկության մասին
Սևան-Մարտունի-Գետափ ճանապարհին վթարից տուժածներից 6-ը շարունակում է բուժում ստանալ․ նախաձեռնվել է քրեական վարույթ
26.07.2023 | 21:15
Հուլիսի 25-ին՝ ժամը 14․50-ի սահմաններում, Սևան-Մարտունի-Գետափ ճանապարհի 8-րդ կմ հատվածում, «Նոյ Լենդ» հանգստյան գոտու մոտակայքում տեղի է ունեցել ավտովթար երեք ավտոմեքենաների մասնակցությամբ։ Իրար են բախվել Երևան քաղաքի բնակչի կողմից վարած «Lexus GX» մակնիշի, Սևան քաղաքի բնակչի կողմից վարած «Գազ-32213» մակնիշի և Վարդենիս քաղաքի բնակչի կողմից վարած՝ «Mercedes Benz» մակնիշի ավտոմեքենաները։ Վերջին երկու ավտոմեքենաներն իրականացնում էին ուղևորափոխադրումներ։
ՔԿ-ից տեղեկացնում են, որ վթարի հետևանքով տարբեր աստիճանի վնասվածքներով «Սևան» և «Գավառ» բժշկական կենտրոններ են տեղափոխվել «Լեքսուս»-ի և «Գազել»-ի վարորդները, ինչպես նաև ուղևորափոխադրումներ իրականացնող «GAZ-32213» և «Mersedes» մակնիշի ավտոմեքենաների 14 ուղևորները։ Վնասվածքներ ստացած անձանցից 10-ն արդեն դուրս են գրվել բուժհաստատություններից, 6-ը շարունակում են ստանալ ստացիոնար բուժում։
Դեպքի առթիվ ՀՀ քննչական կոմիտեի Գեղարքունիքի մարզային վարչության Սևանի քննչական բաժնում ՀՀ քրեական օրենսգրքի 342-րդ հոդվածի 1-ին մասի հատկանիշներով նախաձեռնվել է քրեական վարույթ։
Նախաքննության շրջանակներում կատարվել են անհետաձգելի քննչական և վարութային գործողություններ, նշանակվել են փորձաքննություններ։
Բոլոր ուղևորները ճանաչվել են տուժող։
Ձեռնարկվում են անհրաժեշտ միջոցները՝ դեպքի հանգամանքները, վթարի առաջացման պատճառները, դրան նպաստած պայմանները պարզելու, վարորդների գործողություններին իրավական գնահատականներ տալու նպատակով։
