06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Մեկ օրում՝ երկու դեպք․Ադրբեջանը հայտնում է ԶՈՒ-ում կորուստների մասին
Քաղաքականություն
26.07.2023 | 22:57
Բաքվի զինվորական դատախազությունը տեղեկություն է ստացել, որ ՊՆ N զորամասի զինծառայող, շարքային Էլքին Էլբուրուս Ալեքպերովն ինքնասպան է եղել հրազենից արձակած կրակոցից։ Ստացված տվյալների հիման վրա դատախազները զննել են դեպքի վայրը, հարուցվել է քրեական գործ, կատարվում է քննություն, հաղորդում են ադրբեջանական լրատվամիջոցները։
Բացի այդ, այսօր ինքնասպանության ևս մեկ դեպք է տեղի ունեցել ադրբեջանական վերահսկողության տակ գտնվող Կուբաթլուի զորամասերից մեկում։ Զինվորական դատախազությունը հայտնում է, որ ՊՆ N զորամասի զինծառայող Էյուբով Թելմանն ինքնասպան է եղել՝ հրազենից կրակելով իր վրա։
Հարուցվել է քրեական գործ, կատարվում են համապատասխան փորձաքննություններ։
Հիշեցնենք, որ օրերս էլ Գանձակի զորամասերից մեկում ինքնասպան էր եղել 2004 թվականին ծնված զինծառայող Նուրեդին Հուեսեյնովը՝ դուրս նետվելով N զորամասի հանրակացարանի պատուհանից։
Էմմա Չոբանյան
