06.06.2026 | 01:06
«Ուժեղ Հայաստանի» մասնակցությունը կվիճարկվի՞ Վարչական դատարանում, թե՞ ոչ․ «Հանրապետության» անդամը՝ իրենց որոշման մասին
Անթալիայում և Հաթայում անտառային հրդեհները շարունակվում են, կրակը հսկողության տակ առնել չի հաջողվում․ ԼՈՒՍԱՆԿԱՐՆԵՐ
Քաղաքականություն
26.07.2023 | 20:13
Թուրքական Անթալիայի Քեմերի շրջանում անտառապատ տարածքում բռնկված հրդեհը վերահսկելու ջանքերը դեռ շարունակվում են։ Bianet-ի փոխանցմամբ՝ տարածաշրջանի տեղանքը դժվարացրել է ցամաքին հասանելիությունը, ինչի հետևանքով հրշեջ բրիգադները ներգրավել են գիշերային տեսանելիության ուղղաթիռներ և ցամաքային բրիգադներ՝ հրդեհի դեմ ամբողջ գիշեր պայքարելու համար: Վաղ առավոտից հրդեհաշիջման աշխատանքներին միացել են լրացուցիչ ուղղաթիռներ ու ինքնաթիռներ։
Ուղղաթիռներն իջնում են ծովից ջուր հավաքելու և այրվող տարածքներ հասցնելու համար՝ աջակցելու հրդեհաշիջման աշխատանքներին։
Զուգահեռաբար, Հաթայ նահանգի Անթաքիա շրջանում երեկ կեսօրից հետո հրդեհ է բռնկվել Քիսեջիկ շրջանի անտառապատ տարածքում։ Հրդեհի պատճառները դեռևս չեն պարզվել:
Անթաքիայում հրդեհը վերահսկելու ջանքերը ներառում են ինչպես օդային, այնպես էլ ցամաքային միջոցներ, համապաստախան թիմերն աշխատում են իրավիճակը վերահսկողության տակ առնելու ուղղությամբ։
Էմմա Չոբանյան
