20.12.2025 | 20:00
100,000 ռուբլի՝ ՀՀ-ում լրտեսության համար․ ՌԴ քաղաքացիները Հայաստանում տվյալներ են հավաքել․ ՏԵՍԱՆՅՈՒԹ
«Դվին» հյուրանոցի տեղը «Դուբայ» սարքեցինք. ապաքաղաքական զրույց Ալեքսանդր Բադալյանի հետ. ՏԵՍԱՆՅՈՒԹ
Հաղորդաշարեր
23.07.2023 | 21:02
Factor TV-ի A-politic հաղորդաշարի հյուրն է Հայաստանի Ճարտարապետների պալատի նախագահ Ալեքսանդր Բադալյանը։ Նրա կարծիքով՝ պետությունը երկակի մոտեցում է դրսևորում «գերակա շահի» կիրառման հարցում: Ճարտարապետը բերում է երկու օրինակ․ Չարենցի փողոցում թույլ տվեցին տեղադրել բազմաթիվ արհեստանոցներ, որոնք, ըստ էության, փակում են ելքը դեպի Տիգրան Մեծ փողոց, և այդ դեպքում պետության «գերակա շահի» մասին խոսք չկար: Մինչդեռ, երբ պետք էր մայրաքաղաքի կենտրոնում կառուցապատելու համար շենքեր էր պետք քանդել, նույն «գերակա շահի» գործոնն աշխատում էր:
Խնդրի արմատը հաղորդման հյուրը համարում է այն, որ կառուցապատումը չափազանց շահավետ գործ է: Ալեքսանդր Բադալյանն այդ առիթով հիշեցնում է, որ 1960-ական թվականներին իտալական մաֆիայի եկամուտների հիմնական աղբյուրն էր շինարարությունից փողերի լվացումը: Այդ է պատճառը, ըստ նրա, որ նաև Երևանում կառուցապատումն ընթանում է ճարտարապետական, սեյսմիկ և այլ նորմերի կոպիտ խախտումներով: Որպես օրինակ Ճարտարապետների պալատի նախագահը բերում է «Երազ» թաղամասը, որը, նրա բնութագրմամբ, «սարսափելի ջունգլիներ» են և «պարզապես քառակուսի մետրերի վաճառք»:
Նույն պատճառներով է ճարտարապետը բացատրում ոչ հարգալից վերաբերմունքը նախորդ դարի 70-80-ական թվականների հայ ճարտարապետական նշանավոր նմուշների նկատմամբ: Դրանք կա՛մ քանդվել են («Սևան» հյուրանոց, Երիտասարդական պալատ), կա՛մ անխնամ վիճակում են («Զվարթնոց» օդանավակայան), կա՛մ էլ անճանաչելիորեն աղավաղվել են («Դվին» հյուրանոց):
Մանրամասները տեղանյութում:
Արամ Աբրահամյան
