07.10.2026 | 10:15
Հայաստանի ներկայացուցիչները ադրբեջանցի և միջազգային փորձագետների հետ Լոնդոնում մասնակցել են աշխատաժողովի
Այսօր Բրյուսելում կայանալու է Փաշինյան-Միշել-Ալիև հանդիպում
Քաղաքականություն
15.07.2023 | 14:13
Այսօր Բրյուսելում Եվրոպական խորհրդի նախագահ Շառլ Միշելի միջնորդությամբ տեղի է ունենալու Հայաստանի վարչապետ Նիկոլ Փաշինյանի ու Ադրբեջանի նախագահ Իլհամ Ալիևի հանդիպումը։
Հիշեցնենք՝ երեկ երեկոյան ՀՀ վարչապետ Նիկոլ Փաշինյանն աշխատանքային այցով մեկնել է Բրյուսել։ Այսօր ավելի վաղ Փաշինյանը հանդիպում է ունեցել Եվրոպական խորհրդի նախագահ Շառլ Միշելի հետ: Վարչապետի մամուլի խոսնակ Նազելի Բաղդասարյանի տեղեկացմամբ՝ Լեռնային Ղարաբաղի նախագահի խնդրանքով՝ Փաշինյանը Շառլ Միշելին է փոխանցել Արայիկ Հարությունյանի նամակը։
Երեկ տեղի է ունեցել նաև Միշելի հանդիպումն Ադրբեջանի նախագահ Իլհամ Ալիևի հետ։ Ըստ ադրբեջանական կողմի՝ Ալիևը երախտագիտություն է հայտնել Եվրոպական խորհրդի նախագահին՝ հայ-ադրբեջանական հարաբերությունների կարգավորման խնդրում ջանքեր գործադրելու համար, Ալիևը նաև նշել է բրյուսելյան ձևաչափի արդյունավետությունը։
Հիշեցնենք նաև, որ Բրյուսելում եռակողմ ձևաչափով նախորդ հանդիպումը տեղի էր ունեցել մայիսի 13-ին։
Տաթև Ֆռանգյան
