Ջրամբարաշինությունը ձախողել են․ մյուս տարի էլի նույն խնդրի առաջ ենք կանգնելու․ Արթուր Խաչատրյան․ ՏԵՍԱՆՅՈՒԹ

Կառավարությունը սխալ ուղղությամբ է գնում, ջրի կառավարումը սկզբունքորեն սխալ է անում: Այս մասին, այսօր խորհրդարանում հայտարարեց «Հայաստան» խմբակցության պատգամավոր Արթուր Խաչատրյանը:

Նշենք, որ ԱԺ-ում քննարկվում է «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին օրենքի նախագիծը։

Նախագծով առաջարկվում է 2023-ին Սևանա լճից 170 մլն խմ ջրառի չափաքանակն ավելացնել մինչև 240 մլն խմ՝ պայմանավորված տարվա եղանակային պայմաններով, ջրավազանների ու ջրամբարների լցվածությամբ և գետերի ջրատվության հիմնական ցուցանիշներով։

«Ես երեկ հարց տվեցի՝ ինչքան ջուր է բաց թողնվել մինչև ոռոգման սեզոնը և պատասխան չստացա: Որովհետև ոռոգման սեզոնն սկսվում է, արդեն ջուր չկա: Ակնհայտ է, որ մինչև ոռոգման սեզոնի սկսվելը ջրամբարներում այնքան ջուր պետք է լինի, որ չգան և այստեղ քաղաքական, տնտեսական, հումանիտար խղճմտանքի առաջ չկանգնեցնեն, ասելով՝ բա որ ջուր չտանք, այդ մարդիկ ինչով են ջրելու:

Պետք է մ ինչև ոռոգման սեզոնը ջրամբարներում բավականաչափ ջուր լինի, այլապես ցանքատարածությունները կրճատվել են, բերքը կրճատվել է, և դրանով պայմանավորված մեզ մոտ տեղական արտադրության բանջարեղենի առաջարկը նվազել է և գները բարձրացել են: Ջուր քիչ է օգտագործում գյուղատնտեսությունը, որովհետև բերքն ավելի քիչ է լինում․․․ Ջուրը, որը հասանելի եք դարձնում, քիչ է։

Անցյալ տարվա ջրամբարաշինությունը կատարվել է 46 տոկոսով. «Եթե ճիշտ կատարվեր, այսօր այդ խնդիրը չէինք ունենա:
Իսկ ինչքան է եղել ոռոգման համակարգերի առողջացում ծրագիրը ՏԿԵ նախարարության ծախսերի առաջին կիսամյակում. 32,6 տոկոս: Մյուս տարի էլի նույն խնդրի առաջ ենք կանգնելու, որովհետև այս կառավարությունը որերորդ անգամ ձախողում է ջրամբարաշինությունը: Էլի գալու եք ասելու եք՝ բա ինչ անենք, ջուր չտանք, բերք չի լինի»,-նշեց Խաչատրյանը:

Մանրամասները՝ տեսանյութում։