15.01.2026 | 23:35
Ավարտվել է ՀՀ շախմատի առաջնությունների 3-րդ խաղափուլը․ Զավեն Անդրիասյանը միանձնյա առաջատար է
Հայաստանի և Արցախի իշխանությունները մեր իրավունքներից չեն խոսում, օտարներն ինչո՞ւ պիտի խոսեն․ Մարգարիտա Քարամյան․ ՏԵՍԱՆՅՈՒԹ
Քաղաքականություն
11.07.2023 | 16:35
Ոչ մի օտար երկիր չի կարող արցախցիների իրավունքների մասին խոսել այնպես, ինչպես արցախցին։ Ո՛չ Արցախի, ո՛չ Հայաստանի իշխանությունները մեր իրավունքներից չեն խոսում, նույնիսկ այս վեցամսյա տոտալ բլոկադան ներկայացնում են հումանիտար ճգնաժամ։ Այս մասին այսօր Factor TV-ի հարցին ի պատասխան՝ ասաց «Վերադարձ դեպի Դիզակ» ՀԿ ղեկավար Մարգարիտա Քարամյանը։
Նա և մի խումբ այլ արցախցիներ այսօր բողոքի ակցիա էին իրականացնում ԱՄՆ դեսպանատան մոտ՝ դժգոհելով օրեր առաջ Հանրային հեռուստաընկերության եթերում դեսպան Քրիստինա Քվինի այն հայտարարությունից, թե ԱՄՆ-ը հավատում է, որ Լեռնային Ղարաբաղի ժողովրդի անվտանգությունն Ադրբեջանի կազմում ապահովել հնարավոր է։
«Մենք ցանկացանք այս ակցիայով ուշադրություն գրավել, մեզ համար տարակուսելի է ԱՄՆ դեսպանի հայտարարությունը։ Եթե նման հայտարարություն աներ Ռուսաստանի դեսպանը, մեզ համար անհասկանալի կլիներ, բայց ԱՄՆ-ը, որը ջատագովում է ազատությունը, ազգերի ինքնորոշման իրավունքը, մեզ համար զարմանալի է։ Ուզում էինք պարզաբանումներ ստանալ, դեսպանատնից խոստացան, որ հանդիպում կլինի»,- ասաց Մարգարիտա Քարամյանը։
Մանրամասները՝ տեսանյութում։
Արփի Հակոբյան
