14.10.2026 | 12:56
ՌԴ-ն զանգվածային հարված է հասցրել Կիևին․ 3 մարդ զոհվել է, քաղաքի մի մասը մնացել է առանց էլեկտրականության
Նախարար Հակոբյանը ԱԶԲ ներկայացուցիչներին է ներկայացրել «Հյուսիս-հարավ» ճանապարհի Տրանշ 3-ի շինարարական ընթացքը
09.07.2018 | 16:17
ՀՀ տրանսպորտի, կապի և տեղեկատվական տեխնոլոգիաների նախարար Աշոտ
Հակոբյանն ընդունեց Ասիական զարգացման բանկի (ԱԶԲ) ներկայացուցիչներին՝ ԱԶԲ
տնօրենների խորհրդի անդամ Կասիմ Սյուրկանիի գլխավորությամբ։
Հանդիպման ընթացքում քննարկվեցին ԱԶԲ-ի հետ համագործակցությամբ
իրականացվող «Հյուսիս-հարավ» ճանապարհային միջանցքի շինարարության և
Վանաձոր-Ալավերդի (Մ-6) միջպետական մայրուղու հիմնանորոգման աշխատանքներին
վերաբերող մի շարք հարցեր։
Նախարարն ընդգծեց, որ երկու ծրագրերն էլ շատ կարևոր նշանակություն ունեն
մեր երկրի համար, և նախարարության կողմից արվում է ամեն ինչ, որպեսզի
աշխատանքներն իրականացվեն որակապես բարձր մակարդակով և նախանշված
ժամկետների շրջանակներում։
Անդրադարձ եղավ «Հյուսիս-հարավ» ճանապարհի Տրանշ 3-ի՝ Թալին-Լանջիկ,
Լանջիկ-Գյումրի հատվածի շինարարության ընթացքին։ Նշվեց, որ աշխատանքներն
արագացնելու նպատակով կատարվել է տեխնիկայի համալրում, որն էլ
աշխատանքներում զգալի առաջընթաց կգրանցի:
Ներկայացվեցին նաև Տրանշ 4-ի նախապատրաստական աշխատանքների որոշ
մանրամասներ։
Կասիմ Սյուրկանին նշեց, որ նախարարության և ԱԶԲ-ի միջև երկարամյա,
ընդգրկուն և արդյունավետ աշխատանքային գործունեություն է հաստատվել: Նա
ընդգծեց, որ ցանկություն ունեն առաջիկայում այն ավելի խորացնելու և
քննարկելու համագործակցության նոր ուղղությունները:
ՀՀ տրանսպորտի, կապի և տեղեկատվական
տեխնոլոգիաների նախարարության
լրատվական ծառայություն
