08.04.2026 | 16:39
ՀՀ-ում ԱՄՆ գործերի ժամանակավոր հավատարմատարը հանդիպել է Լոռու մարզպետի հետ․ ԼՈՒՍԱՆԿԱՐՆԵՐ
Տպավորություն է, որ գիտենք՝ Սևանը կա, ջուր կվերցնենք․ Արման Եղոյան․ ՏԵՍԱՆՅՈՒԹ
Քաղաքականություն
11.07.2023 | 12:48
Այսօր ԱԺ արտահերթ նիստում քննարկվում է «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագիծը։
Նախագծով առաջարկվում է Սևանա լճի ջրառի 170 միլիոն խորանարդ մետր չափաքանակը հասցնել մինչև 240 միլիոն խորանարդ մետրի՝ պայմանավորված տարվա եղանակային պայմաններով, ջրավազանների լցվածությամբ, գետերի ջրատվությամբ։
ԱԺ «Քաղաքացիական պայմանագիր» խմբակցության պատգամավոր Արման Եղոյանը, դիմելով հիմնական զեկուցող՝ Տարածքային կառավարման և ենթակառուցվածքների նախարարի տեղակալ Վաչե Տերտերյանին, նշեց․ «Եթե Դուք եկել եք այստեղ, նշանակում է, որ իսկապես ջրառի խնդիրը կա և դրա կարիքը կա։ Բայց հարց է ծագում՝ արդյո՞ք այդ կարիքը ծագել է օբյեկտիվ հանգամանքների բերումով։
Տպավորություն է, որ գիտենք՝ Սևանը կա, ու մտածում ենք՝ դե ինչ էլ լինի, Սևանից ջուր կվերցնենք․․․ Ես խնդրում եմ այնպես պլանավորենք մեր ջրօգտագործումը, որ ջրառի կարիքը չլինի»։
Եղոյանը հարցադրում արեց․ «Հիմա մի շարք ջրամբարներ են կառուցվում, այդ ջրամբարների կառուցումից հետո կգա՞ այն ժամանակը, որ մենք հստակ ասենք՝ Սևանից կունենանք տարեկան այսքան ջրառի կարիք կամ ընդհանրապես կարիք չենք ունենա»։
Մանրամասները՝ տեսանյութում։
