17.03.2026 | 23:25
ԻՀՊԿ-ն հաստատել է «Բասիջ» ուժերի հրամանատար Ղոլամռեզա Սուլեյմանիի մահը
Սևանի հաշվեկշիռը բացասական է․ ջրառի նախագիծը կտրուկ արգելվում է․ Արծվիկ Մինասյան․ ՏԵՍԱՆՅՈՒԹ
Տնտեսություն
11.07.2023 | 12:20
Այսօր ԱԺ արտահերթ նիստում քննարկվում է «Սևանա լճի էկոհամակարգի վերականգնման, պահպանման, վերարտադրման և օգտագործման միջոցառումների տարեկան ու համալիր ծրագրերը հաստատելու մասին» օրենքում լրացումներ կատարելու մասին նախագիծը։
Նախագծով առաջարկվում է Սևանա լճի ջրառի 170 միլիոն խորանարդ մետր չափաքանակը հասցնել մինչև 240 միլիոն խորանարդ մետրի՝ պայմանավորված տարվա եղանակային պայմաններով, ջրավազանների լցվածությամբ, գետերի ջրատվությամբ։
«Հայաստան» խմբակցության քարտուղար Արծվիկ Մինասյանը նշեց, որ մինչև 2019 թվականի կարգավորումներով հնարավորություն կար նույնիսկ բացասական հաշվեկշռի դեպքում իրականացնել լրացուցիչ ջրառ: Սակայն 2019-ին օրենքում կատարվել են փոփոխություններ: Ընդդիմադիր պատգամավորը նկատեց՝ իշխանականներն են հայտարարել, որ Սևանա լճից ջրի բացթողումը բացառվելու է, եթե 170 մլն-ը գերազանցի և, եթե Սևանա լճի հաշվեկշիռը բացասական լինի։ Իսկ այս պահին բացասական է, այսինքն՝ ջրառի նախագիծը կտրուկ արգելվում է․
Ընդդիմադիր պատգամավորը հավելեց, որ օրենքով սահմանված կարգով ՀՀ ամբողջ տարածքում կամ դրա մի մասում երաշտ հայտարարելու դեպքում կարող է ներկայացվել նախագիծ:
«Սակայն սակավաջրություն կամ երաշտ հայտարարելու կանոններ են սահմանվել: Ըստ դրա՝ կառավարությունը հայտարարում է սակավաջրություն և երաշտ, նախատեսում է ջրային ռեսուրսների հետ կապված գործողությունների սահմանափակում և այլն»,- նշեց Մինասյանը՝ հավելելով, որ ներկայացված նախագիծը ոչինչ չի ասում ՀՀ-ում երաշտ կամ սակավաջրություն հայտարարելու մասին։
Մանրամասները տեսանյութում։
