04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
ԲԴԽ-ն լրագրողներին տված հարցազրույցի համար դադարեցրեց դատավոր Դավիթ Հարությունյանի լիազորությունները․ ՏԵՍԱՆՅՈՒԹ
Հասարակություն
03.07.2023 | 11:38
Բարձրագույն դատական խորհուրդը լրագրողներին տված հարցազրույցում արտահայտած մտքերի համար դադարեցրեց դատավոր Դավիթ Հարությունյանի լիազորությունները:
Հիշեցնենք, որ ապրիլի 7-ին դատավորների ընդհանուր ժողովի ժամանակ դատավորը քննադատել է 2022 թվականի տարեվերջին Դատական օրենսգրքում տեղի ունեցած փոփոխությունների հետևանքով շուրջ 20 դատավորի լիազորություն դադարեցնելու հանգամանքը: Բացի այդ` դատավորն անդրադարձել է ԲԴԽ արդեն նախկին անդամ Մեսրոպ Մակյանի` Factor․am-ին ու News.am- ին տված հարցազրույցին, որում ԲԴԽ անդամը խոսել է Խորհրդում որոշումների` բացարձակ կոնսենսուսով ընդունելու մասին:
Հարությունյանը նշել է, որ եթե 10 հոգանոց Սահմանադրական մարմնում որոշումները բացարձակ կոնսենսուսով են կայացվում, ապա մի կետից են ուղղորդվում: Դատավորի վարույթի քննության ընթացքում բարձրաձայնել է բազմաթիվ խախտումների մասին` սկսած նիստը դռնփակ անցկացնելու որոշումից մինչև իր լսված լինելու իրավունքը չապահովելը, իր գործը քննող դատարանի կազմում ոչ անաչառ դատավորների առկայությունը:
Արաքս Մամուլյան
