24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Ռուսները սպանել են հայ տղային․ ՌԴ-ն պարտվում է մարտի դաշտում, զայրույթը թափում է խաղաղ բնակչության վրա. Մարատ Հակոբյան. ՏԵՍԱՆՅՈՒԹ
Քաղաքականություն
27.06.2023 | 19:47
Ուկրաինայի օկուպացված Բերդյանսկ քաղաքում ռուսական օկուպացիոն իշխանության ներկայացուցիչները սպանել են հայազգի 16-ամյա պատանի Տիգրան Հովհաննիսյանին։ Նրան ավելի վաղ բերման էին ենթարկել «հակառուսական գործունեության համար»։
Ռուս ուժայինները հալածանքների են ենթարկել Տիգրանին և Նիկիտա Խանգանովին, նախ՝ առևանգել են իրենց տնից, դաժանորեն հարցաքննել և խոշտանգել էլեկտրական հոսանքի միջոցով։ Բերդյանսկի ռուսական ռեժիմի ներկայացուցիչները պնդել են, թե վերացվել են երկու ուկրաինամետ ահաբեկիչներ։ Ռուսները կտտանքների են ենթարկել տղային ու մեղադրել «դիվերսիա նախապատրաստելու» մեջ, ճնշումների ներքո հարկադրել են Տիգրանին ինքնախոստովանական ցուցմունք գրել, թե փորձել են Մելիտոպոլի երկաթգծում կանխել ռուսական զորքի ապրանքների մատակարարումը։
Ուկրաինայում բնակվող քաղաքական վերլուծաբան Մարատ Հակոբյանի հետ Factor TV-ի հարցազրույցում անդրադարձել ենք այս դեպքին։
«Ռուսները սպանել են հայ երիտասարդի, որին ահաբեկչական պետություն Ռուսաստանն ահաբեկիչ է ներկայացրել, մինչդեռ, նա իր տունն է պաշտպանել։ Հատկանշական է, որ ռուսները սպանել են հայ տղային ՌԴ-ին քննադատող ԵԽԽՎ բանաձևից հետո, որով եվրոպացի պատգամավորները Մոսկվային կոչ էին արել ազատել Տիգրան Հովհաննիսյանին։ Նա մահացել է՝ «Փառք Ուկրաինային» բառերը շուրթերին։ Ուկրաինայում մեծ ցավ են ապրում։ ՌԴ-ն պարտվում է մարտի դաշտում, զայրույթը թափում են խաղաղ բնակչության վրա»,- ասաց Մարատ Հակոբյանը։
Հարցազրույցն ամբողջությամբ՝ տեսանյութում։
Ռոբերտ Անանյան
