Քաղաքականություն
27.06.2023 | 11:04
Այսօր Վաշինգտոնում կմեկնարկի Հայաստան-Ադրբեջան բանակցությունների հերթական փուլը։ ԱՄՆ Պետքարտուղության հաղորդմամբ՝ Ջորջ Շուլցի անվան կենտրոնում պետքարտուղար Էնթոնի Բլինքենը տեղական ժամով 08:45-ին հանդիպելու է ՀՀ ԱԳ նախարար Արարատ Միրզոյանին։
Տեղի ժամանակով ժամը 9:25-ին էլ տեղի է ունենալու Ադրբեջանի ԱԳ նախարար Ջեյհուն Բայրամովի հետ երկկողմ հանդիպումը։ Ժամը 10:00-ին արդեն կմեկնարկի Բլինքենի մասնակցությամբ եռակողմ հանդիպումը նույն կենտրոնում։ Հանդիպումները փակ են լինելու մամուլի համար։
Հավելենք,որ Վաշինգտոնում նախորդ բանակցությունները տեղի էին ունեցել մայիսի 1-4-ը։ Այս անգամ, ըստ ԱՄՆ դիվանագիտական աղբյուրների, քննարկումները կշարունակվեն մինչև հունիսի 29-ը։
Էմմա Չոբանյան
