15.01.2026 | 21:29
Հեռախոսներ են ներկրել մաքսանենգ ճանապարհով. ՊԵԿ-ը՝ կոմիտեի ձերբակալված պաշտոնյաների մասին
Պուտինը հանդես է եկել ուղերձով
Քաղաքականություն
26.06.2023 | 23:38
ՌԴ նախագահ Վլադիմիր Պուտինը հանդես է եկել ուղերձով՝ անդրադառնալով «Վագներ» խմբավորման ղեկավար Եվգենի Պրիգոժինի հեղաշրջման փորձին։
Պուտինը հավաստիացրել է, որ վագներականներին տված խոստումը կիրականացվի։ Նրանք կարող են շարունակել ծառայությունը Ռուսաստանի Դաշնության Պաշտպանության նախարարությունում կամ մեկնել Բելառուս։ Այս մասին իր հեռուստաուղերձում հայտարարել է Ռուսաստանի նախագահ Վլադիմիր Պուտինը։
«Այսօր դուք հնարավորություն ունեք շարունակել ծառայությունը՝ պայմանագիր կնքելով պաշտպանության նախարարության կամ այլ ուժային մարմինների հետ, կամ վերադառնալ ձեր հարազատների ու մտերիմների մոտ։ Ով ուզում է, կարող է գնալ Բելառուս. իմ տված խոստումը կկատարվի։ Կրկնում եմ՝ ընտրությունը ձեզնից յուրաքանչյուրն է, բայց վստահ եմ, որ դա կլինի Ռուսաստանի զինվորների ընտրությունը, որոնք գիտակցել են իրենց ճակատագրական սխալը», – ասել է Պուտինը։
Հիշեցնենք, որ ՌԴ Ազգային հակաահաբեկչական կոմիտեն հայտարարել էր «Վագների» հիմնադիր, ձեռնարկատեր Եվգենի Պրիգոժինի դեմ քրեական գործ հարուցելու մասին։ Պրիգոժինը մեղադրվում է զինված ապստամբություն կազմակերպելու փորձի մեջ։
ՌԴ նախագահ Վլադիմիր Պուտինը հանդես էր եկել ուղերձով՝ խոստանալով «անխուսափելի պատիժ մեջքից հարվածողներին»։
ՌԴ նախագահի մամուլի խոսնակ Դմիտրի Պեսկովը հայտնել էր, որ Եվգենի Պրիգոժինի դեմ հարուցված քրեական գործը կկարճվի։
