Էրդողանի կառավարությունը դիտարկում է թուրքական պետական հայտնի ընկերությունների վաճառքը՝ տնտեսության վերականգնումը խթանելու համար

Թուրքիայի նախագահ Ռեջեփ Թայիփ Էրդողանի ղեկավարած ԱԶԿ-ն (Արդարություն և զարգացում կուսակցություն) ու կառավարությունը վերլուծում են այնպիսի հաստատությունների հնարավոր վաճառքը, ինչպիսիք են Turkish Airlines-ը, Turk Telekom-ը և BOTAŞ-ը, որոնք Sovereign Wealth Fundas-ի տնտեսական վերականգնման ծրագրի մաս են։ Այս մասին գրում է Gercek news-ը՝ վկայակոչելով Cumhuriyet-ին։

Նշվում է, որ պետական ​​սեփականություն ունեցող ավելի քան 200 ակտիվներ արդեն սեփականաշնորհված են, որոնք ապահովում են ավելի քան 60 միլիարդ դոլար եկամուտ Ծոցի երկրներից, բայց այն կարող է հասնել ապշեցուցիչ 100 միլիարդ դոլարի:

Ziraat բանկի նախկին գլխավոր տնօրեն Սենոլ Բաբուշջուն ասել է, որ ֆինանսների նոր նախարար Մեհմեդ Շիմեքն աշխատում է բյուջեի եկամուտներն ավելացնելու ուղղությամբ՝ նշելով, որ վերլուծվում է պետական որոշ ընկերությունների վաճառքը։

«Turkish Airlines-ի, BOTAŞ-ի և Turk Telekom-ի մասնակի վաճառքը կարող է դիտարկվել: Այնուամենայնիվ, ԱՄՆ-ի, Եվրամիության և ճապոնական կապիտալի համար դժվար է հետաքրքրություն ցուցաբերել այդ ընկերությունների նկատմամբ։ Այս անվստահության միջավայրը վկայում է այն մասին, որ վաճառքն ուղղվելու է դեպի Մերձավոր Արևելքի երկրներ»,- ասել է նա։

Հավելենք, որ անցյալ շաբաթ Շիմշեքը և փոխնախագահ Ջևդեթ Յըլմազն այցելել էին Արաբական Միացյալ Էմիրություններ՝ ներդրումներ ներգրավելու նպատակով, իսկ կառավարամետ լրագրող Հանդե Ֆիրաթը Hurriyet-ի իր սյունակում գրել է, որ ԱՄԷ-ն պատրաստվում է 30-40 միլիարդ դոլարի ներդրում՝ «մշտական և երկարաժամկետ ուղղակի ներդրումներում»։

Ըստ Ֆիրաթի՝ ներդրումներն ընդգրկելու են տարբեր ոլորտներ, մասնավորապես՝ էներգետիկան ու պաշտպանական արդյունաբերությունը։

Էմմա Չոբանյան