19.05.2026 | 11:42
Սոնա Մնացականյանի մահվան գործով դատավճիռը մնաց ուժի մեջ. Վերաքննիչ դատարանը մերժեց բողոքը
Սպանության փորձ կատարելու մեջ կասկածվող Ալեքսանդր (Սաշիկ) Սարգսյանի որդուն չեն կալանավորել, խափանման միջոց է ընտրվել ստորագրությունը չհեռանալու մասին
Հասարակություն
06.07.2018 | 12:14
Լուրեր
19.05.2026 | 11:31
Հրապարակվել է Սոնա Մնացականյանի վրաերթի գործով Վերաքննիչ դատարանի որոշումը. ՈՒՂԻՂ
19.05.2026 | 11:30
Ռուսական զորքերը հարվածել են Ուկրաինայի մի քանի շրջանների. զոհեր և վիրավորներ կան
Հայաստանի երրորդ նախագահ Սերժ Սարգսյանի եղբոր՝ Ալեքսանդր Սարգսյանի որդիներից Հայկ Սարգսյանը կասկածվում է սպանության փորձ կատարելու մեջ։ Օրերս նա և Ալեքսանդր Սարգսյանը ԱԱԾ աշխատակիցների ուղեկցությամբ լքեցին Թումանյան 11 հասցեում գտնվող իրենց բնակարանը, որտեղ ԱԱԾ-ն ժամեր շարունակ խուզարկություն էր իրականացնում։
Ավելի ուշ ԱԱԾ-ն պարզաբանեց, որ իրենց մոտ է տեղափոխվել միայն Ալեքսանդր Սարգսյանը, իսկ Հայկ Սարգսյանը մեկ այլ գործով ներկայացել է վարույթ իրականացնող մարմին։
Ինչպես Factor.am-ին փոխանցեց Քննչական կոմիտեի նախագահի խորհրդական Սոնա Տռուզյանը, Հայկ Սարգսյանի նկատմամբ որպես խափանման միջոց է ընտրվել ստորագրությունը չհեռանալու մասին․ «Անձը ներկայացվել է վարույթ իրականացնող մարմնին, նրա մասնակցությամբ կատարվել են անհրաժեշտ քննչական գործողություններ, այդ թվում տուժողի հետ առերես հարցաքննություն, որից հետո նրա նկատմամբ, որպես կասկածյալի, խափանման միջոց է ընտրվել ստորագրությունը չհեռանալու մասին»։
Ի դեպ, Հայկ Սարգսյանի դեմ 11 տարի անց հաղորդում է ներկայացրել Դավիթ Սիմոնյանը, որը պնդել է, թե Հայկ Սարգսյանը, գտնվելով թմրանյութի ազդեցության տակ, սպառնացել է սպանել իրեն, ապա իր մոտ պահվող արտասահմանյան արտադրության ատրճանակից կրակել է իր որովայնին:
Նշենք նաև, որ Ալեքսանդր Սարգսյանն ԱԱԾ-ից ազատ է արձակվել, իսկ նրա մյուս որդու՝ Նարեկ Սարգսյանի նկամտմամբ հետախուզում է հայտարարվել։
Լիլիթ Շաբոյան
