17.02.2026 | 14:10
ԱՄՆ-ն և ՌԴ-ն գրեթե հավասարվել են․ ինչքան փող են 2025-ին արտերկրից ստացել ՀՀ քաղաքացիները
«Կարեն Անդրեասյանը և Գրիգոր Մինասյանը ոչ թե միտում, այլ նպատակ ունեն դատավորներին ճնշելու»․ Դավիթ Հարությունյան․ ՏԵՍԱՆՅՈՒԹ
Հասարակություն
19.06.2023 | 14:15
Նույնիսկ Մարտեր առանց կանոնների սպորտաձևում որոշակի կանոններ կան, բայց ինձ համար անհասկանալի է, թե ինչ կանոններով է առաջնորդվում Անդրեասյանը։ Բարձրագույն դատական խորհրդի նիստի ավարտից հետո այս մասին լրագրողների հետ զրույցում ասաց դատավոր Դավիթ Հարությունյանը։
Վերջինիս, ինչպես նաև նրա ներկայացուցչին՝ Միքայել Շխիմյանին զգուշացրել են դռնփակ նիստի վերաբերյալ տվյալներ չհրապարակելու մասին։
Դավիթ Հարությունյանի ձեռքում մի փաստաթուղթ էր, որի վրա ամսաթիվ․ ստորագրություններ, կնիք չկային։ Դատավորը նշեց, որ միջնորդությունների վերաբերյալ անգամ դիրքորոշումներ չեն լսվել։
Լրագրողի հարցին՝ արդյո՞ք ԲԴԽ-ն միտում ունի դատավորներին ճնշելու, Հարությունյանը պատասխանեց, որ ինքն անգամ այս առնչությամբ միջնորդութուն է ներկայացնելու։ «Կարեն Անդրեասյանը և Գրիգոր Մինասյանը ոչ թե միտում, այլ նպատակ ունեն»,- ասաց Դավիթ Հարությունյանը։
Դատավորի կարգապահական վարույթի քննությունը կշարունակվի վաղը՝ հունիսի 20-ին։
Արաքս Մամուլյան
