Ազնավուր՝ առանց բոհեմի և թաշկինակի․ արձանի ուշացած մրցույթն ու քանդակագործների դժգոհությունը․ ՏԵՍԱՆՅՈՒԹ

Լուրեր

20.11.2026 | 14:41
Դոնալդ Տուսկը Լեհաստանի օդային տարածքի խախտման կապակցությամբ արտակարգ խորհրդակցություն է հրավիրել
20.11.2026 | 14:32
Հրդեհի վտանգի պատճառով փակվել են «Ֆլեշ»-ի և «Կամօյլ»-ի լցակայանները, Մրգաշատում ապամոնտաժվել է գազի պահեստարան
20.11.2026 | 14:26
Գյումրիում և Ամասիայում հայտնաբերվել են ինքնաձիգներ, ատրճանակներ, նռնակներ և մեծ քանակությամբ զինամթերք
20.11.2026 | 14:20
Ալեքսանդր Օվեչկինի ռեկորդն ու հակառեկորդը «Վաշինգտոն Քեփիթալզում». ՏԵՍԱՆՅՈՒԹ
20.11.2026 | 14:14
Աննա Գրիգորյանի ճեպազրույցը՝ ՈւՂԻՂ
20.11.2026 | 14:12
Սպիտակ տունը պաշտոնանկ է արել կիբերանվտանգության ծառայության տնօրենին՝ համակարգերում լայնածավալ խափանումների պատճառով
20.11.2026 | 14:05
Սոնա Ղազարյանը ելույթն իրարանցում առաջացրեց. «Մեկ նպատակ ունեք` հարստանալու»․ ՏԵՍԱՆՅՈՒԹ
20.11.2026 | 14:00
«Ստնտուկ»-ի որոնումների ռեկորդ՝ Google-ում․ որտեղից ծնվեց հայերենում գոյություն չունեցող բառը
20.11.2026 | 13:56
«Եվրոպական եռյակի» ներկայացուցիչների այցը ՌԴ քննարկվում է․ Ռյաբկով
20.11.2026 | 13:47
Փաշինյանին հեռացնելու 100 տոկոսանոց հնարավորություն ունեք. Ռուբինյան․ ՏԵՍԱՆՅՈՒԹ
20.11.2026 | 13:45
Սահմանադրության նախագիծը կհրապարակվի երկուշաբթի․ Փաշինյան. ՏԵՍԱՆՅՈՒԹ
20.11.2026 | 13:40
Հայաստանի հավաքականի բռնցքամարտիկները մրցաշարի կմասնակցեն Լեհաստանում
20.11.2026 | 13:32
Վարչապետը հայ ժողովրդին երբեք չի խաբել, սուտ է ասում Աբրահամյանը. Սոնա Ղազարյան․ ՏԵՍԱՆՅՈՒԹ
20.11.2026 | 13:24
Հաքերները գողացել են Visa-ի, Mastercard-ի և Chase բանկի հաճախորդների տվյալները․ NYP
20.11.2026 | 13:15
Սամվել Կարապետյանի հետ այսպես խոսել չի´ կարելի, մենք չենք վախենում. Աբրահամյանը` Փաշինյանի առաջարկի մասին. ՏԵՍԱՆՅՈՒԹ
Բոլորը

Այս տարվա մայիսին Երևանի փոխքաղաքապետ Տիգրան Ավինյանը հրապարակել էր քանդակագործ Դավիթ Երևանցու առաջարկած մանրակերտն ու հայտարարել, որ շուտով Ֆրանսիայի հրապարակում կտեղադրվի մեծանուն շանսոնյեի՝ Շառլ Ազնավուրի արձանը։ Նա նշել էր, որ Ազնավուրի որդու, նրա կնոջ, «Ազնավուր» հիմնադրամի անդամների հետ այցելել են Դավիթ Երևանցու արվեստանոց։

«Դավիթ Երևանցին ներկաներին ցույց տվեց արձանի էսքիզն ու հենց դրա համաձայն էլ քաղաքի ամենասրտում՝ Սայաթ-Նովա և Մեսրոպ Մաշտոցի պողոտաների հատման հատվածում կտեղադրվի մեծանուն հայի արձանը»,- նշել էր նա։

Դավիթ Երևանցու առաջարկած տարբերակը, սակայն, բուռն քննարկումների կիզակետում հայտնվեց։ Մի շարք քանդակագործներ, արվեստի գործիչներ տեսակետ հայտնեցին, որ արձանը չի արտահայտում Ազնավուրի էությունը։ Հնչեցին կարծիքներ, որ քանդակում Ազնավուրն ընկճված է, իրեն նման չէ։ Դավիթ Երևանցուն, սակայն, այդ քննադատություններն առանձնապես չեն մտահոգում։

«Գնացեք այդ մարդկանց գործերը տեսեք, ես ձեզ խորհուրդ կտամ այդ չբավարարվածների արվեստանոց գնաք, տեսեք՝ ինչ ունեն․․․ Միայն Ազնավուրով չէ, որ ես պետք է փայլեմ, ես արդեն փայլել եմ»,- նշում է քանդակագործը։

Ըստ նրա՝ թեև այնքան էլ չի հավատում, բայց իր ականջին հասել են տեղեկություններ այն մասին, թե փոխքաղաքապետ Տիգրան Ավինյանը տեսակետ է հայտնել․ լավ կլիներ՝ Ազնավուրին քանդակեր թաշկինակը ձեռքին, բոհեմական կերպարում։

«Չի լինելու նման բան, ես ոչ թե կապրիզ եմ անում, ուղղակի ուղեղիս մեջ չի տեղավորվում»,- ասում է Դավիթ Երևանցին։

Բայց ամենաուշագրավն այն է, որ Տիգրան Ավինյանի հայտարարությունից ընդամենը 20 օր հետո Երևանի քաղաքապետարանն անսպասելիորեն հուշարձանի նախագծի ներկայացման համար բաց մրցույթ հայտարարեց։ Ստացվում է՝ քաղաքապետարանը սկզբում հարկ չի համարել մրցույթ հայտարարել՝ քանդակի ստեղծումը վստահելով մեկ հեղինակի, իսկ հետո հանկարծ հիշել է մրցույթի մասին։

Factor TV-ին Երևանի քաղաքապետարանի մշակույթի վարչությունից հրաժարվեցին այս առնչությամբ որևէ մեկնաբանություն տալ՝ հորդորելով դիմել գրավոր հարցմամբ։

Քանդակագործներից շատերը սա իշխանության բացահայտ հովանավորչություն են համարում և ասում՝ այսքանից հետո ցանկություն չունեն մասնակցելու մրցույթին։ Նաև հայտարարում են՝ հայտարարված մրցույթի պայմանները թերի են, ժյուրիի կազմի վերաբերյալ տեղեկատվությունը բացակայում է։ Բայց ամենամեծ խնդիրը համարում են սեղմ վերջնաժամկետը․ խոսքն ընդամենը 1 ամիս 10 օրվա մասին է։

«Ի սկզբանե անօրեն գործունեություն է, մի պաշտոնյա հայտարարություն է անում՝ առանց հիմքեր ունենալու։ Բոլոր քաղաքներում ընդունված է նման դեպքերում մրցույթ հայտարարել, Երևանում էլ է դա գործել։ Պետք էր խորհրդակցել քաղաքաշինական խորհրդի, ճարտարապետի, հրավիրյալ մասնագետների հետ»,- շեշտում է նկարիչ Հաղթանակ Շահումյանը։

Քանդակագործ Վիգեն Ավետիսն էլ վստահ է՝ քաղաքապետարանը տարերային որոշումներ է կայացնում․ «Չկա ծրագրված, մտածված, մասնագիտական որոշում, շատ կցանկանայի, որ այդ ամենով մասնագետները զբաղվեին, ոչ թե մեկի մտքով մի բան անցներ՝ աներ։ Կցանկանայի նաև, որ մրցույթին մասնակցեին քանդակագործներ ամբողջ աշխարհից»։

Քննադատության ալիք էր բարձրացել նաև արձանի տեղադրման վայրի հետ կապված։ Ֆրանսիահայ շանսոնյեի 100-ամյակի կապակցությամբ մայրաքաղաքում նրա արձանը տեղադրելու մտադրության, տեղադիրքի մասին Տիգրան Ավինյանը հայտնել էր դեռևս ամիսներ առաջ։ Քննադատները նկատեցին՝ Երևանում արդեն կա Ազնավուրի հրապարակ, իսկ Գյումրիում՝ Ազնավուրի արձան, ո՞րն է իմաստը ևս մեկ արձան տեղադրելու։

Նկարիչ Հաղթանակ Շահումյանը վստահ է՝ տվյալ տեղանքում առկա է տրանսպորտային խիտ հանգույց, և նպատակահարմար չէ տեղադրել արձանը երթևեկելի խաչմերուկի կենտրոնում։

Մանրամասները՝ տեսանյութում։

Աննա Բաբաջանյան