08.10.2026 | 13:00
Բենզինի պահեստում պայթյունի ժամանակ զոհվածներից 70-ը եղել են ԱԱԾ, ՆԳՆ աշխատակիցներ և ՊՆ ծառայողներ․ ՏԵՍԱՆՅՈՒԹ
Ռուսները 5 վնասված մեքենա տարբեր անկյուններից արդեն 1000 անգամ ցույց են տվել․ Ուկրաինան ունի բավարար ուժ հարձակման համար․ ԱՄՆ ՊՆ ղեկավար
16.06.2023 | 14:00
ԱՄՆ պաշտպանության նախարար Լլոյդ Օսթինն ասել է, որ Ուկրաինան դեռևս բավական ուժ ունի հակահարձակում իրականացնելու համար՝ չնայած Ռուսաստանից կրած նախնական կորուստներին, գրում է The Economic Times-ը՝ վկայակոչելով AFP-ին։
Հավելենք, որ Մոսկվան ցուցադրում է կադրեր, որտեղ երևում են գերմանական Leopard տանկերը և ամերիկյան Bradley մարտական մեքենաները, որոնք, ինչպես պնդում են, գրավել են հարձակումների ժամանակ:
«Կարծում եմ՝ ռուսները մեզ նույն հինգ մեքենաներն արդեն 1000 անգամ ցույց են տվել 10 տարբեր անկյուններից։ Բայց, անկեղծ ասած, ուկրաինացիները դեռևս ունեն մեծ մարտունակություն, մարտական ուժ»,- ասել է Օսթինը Բրյուսելում Ուկրաինայի և նրա արևմտյան աջակիցների հանդիպումից հետո։
Նա նշել է, որ պատերազմ է, ուստի «մենք գիտենք, որ մարտական վնասներ կլինեն երկու կողմից, և ավելի կարևոր է Կիևի՝ վնասված տեխնիկան վերանորոգելու կարողությունը»: Օսթինն ասել է, որ կշարունակեն առաջ մղել այն, ինչ անհրաժեշտ է Ուկրաինային հաջողության հասնելու համար։
Հավելենք, որ Ուկրաինայի արևմտյան աջակիցները, ԱՄՆ-ի գլխավորությամբ, նախօրեին հանդիպել են Բրյուսելում՝ ՆԱՏՕ-ի կենտրոնակայանում։
Էմմա Չոբանյան
