Քաղաքականություն
15.06.2023 | 14:47
Ադրբեջանի նախագահ Իլհամ Ալիևը պաշտոնական այցով Բաքվում գտնվող Պակիստանի վարչապետ Շահբազ Շարիֆի հետ հանդիպումից հետո մամուլի համար հայտարարության ժամանակ խոսել է նաև Հայաստանի հետ բանակցային գործընթացից։
«Հայաստանի հետ խաղաղության պայմանագրի ստորագրման հեռանկարներ կան: Դա անելու համար Հայաստանը պետք է քաղաքական կամք դրսևորի»,-ասել է Ալիևը՝ նշելով, թե «Հայաստանը պետք է թղթի վրա ամրագրի այն, ինչ պաշտոնապես հայտարարել է՝ «Ղարաբաղը Ադրբեջան է»»։
Ի դեպ, Ալիևը մինչ օրս այդպես էլ չի հայտարարել է, որ Բաքուն ճանաչում է Հայաստանի տարածքային ամբողջականությունը։
Էմմա Չոբանյան
