Առաջխաղացման փորձ է եղել. Սեյրան Օհանյան. ՏԵՍԱՆՅՈՒԹ

«Սա հերթական սադրանքն է Ադրբեջանի կողմից․․․ Ադրբեջանը շարունակում է ճնշումներ գործադրել թե՛ Հայաստանի, թե՛ Արցախի վրա,- այս մասին լրագրողների հետ զրույցում ընդգծեց ԱԺ «Հայաստան» խմբակցության ղեկավար, պաշտպանության նախկին նախարար Սեյրան Օհանյանը: – Հակարիի կամրջի հատվածում Ադրբեջանը շարունակում է խորացնել Արցախի շրջափակումը, որովհետև առաջ գալով` տվյալ հատվածում իրենք փորձում են ինքնուրույն սահմանազատում կամ սահմանագծում իրականացնել: Լավ է, որ հայկական կողմը կարողացել է կանխել, հետ շպրտել, բայց եթե, օրինակ, Տեղ գյուղի մյուս հատվածների նման լիներ, մենք դժվար իրավիճակում կհայտնվեինք»:

Օհանյանի խոսքով` ՀՀ զինված ուժերի, ԱԱԾ-ի խնդիրն է միշտ մարտունակ վիճակում լինել, միշտ կանխարգելել բոլոր միջադեպերն ու առաջընթացով մտածել հետագա բոլոր գործողությունների համար:

Պաշտպանության նախակին նախարարը կարծում է, որ եթե ադրբեջանցիները դրոշ են դրել ՀՀ տարածքում կամ սահմանին, դրանով ընդգծել են Ադրբեջանի սահմանը: Դա, Օհանյանի դիտարկմամբ, առաջխաղացման փորձ է:

Պատգամավորի դիտարկմամբ՝ Ադրբեջանը հերթական անգամ ապացուցում է, որ բանակցություններով ոչ մի պայմանավորվածության չեն գնալու և շարունակելու են ճնշումները ՀՀ-ի և Արցախի վրա։

«Արցախի ու Հայաստանի անվտանգությունը պետք է լինի մեր գերխընդիրը»,- ընդգծեց Սեյրան Օհանյանը՝ հավելելով, որ միջազգային հանրության հետ աշխատանքն անհրաժեշտություն է, անհարժեշտ են անվտանգության ազգային և միջազգային երաշխիքներ։

Մանրամասները՝ տեսանյութում։