26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
ԿԸՀ նախագահ Վահագն Հովակիմյանն ու քարտուղար Արմեն Սմբատյանը կմեկնեն Ստրասբուրգ
15.06.2023 | 14:37
ԿԸՀ նախագահ Վահագն Հովակիմյանն ու քարտուղար Արմեն Սմբատյանը Եվրոպայի Խորհրդի հրավերով հունիսի 16-ից 18-ը կլինեն Ստրասբուրգում (Ֆրանսիա)՝ մասնակցելու էլեկտրոնային քվեարկության վերաբերյալ միջազգային կոնֆերանսի։
Մասնակիցները կքննարկեն Եվրոպայի Խորհրդի անդամ պետություններում էլեկտրոնային քվեարկության ոլորտում առկա միտումներն ու ընտրական գործընթացներում տեղեկատվական ու հաղորդակցական տեխնոլոգիաների կիրառումը։
Կոնֆերանսի ընթացքում կքննարկվեն տարբեր անդամ պետությունների մի շարք դեպքերի ուսումնասիրություններ, որոնք ընդգծում են էլեկտրոնային քվեարկության և առցանց քվեարկության ոլորտում ընթացիկ միտումները, մարտահրավերները և նորարարությունները՝ հաշվի առնելով այնպիսի հիմնական խնդիրներ, ինչպիսիք են կիբեր սպառնալիքները, թափանցիկությունը և ընտրական շրջափուլի ընթացքում հիմնական սկզբունքների հարգումը։
Կքննարկվի նաև քարոզարշավի նոր գործիքների օգտագործման ազդեցությունը, օրինակ՝ ընտրողներին մոբիլիզացնելու և թիրախավորելու հավելվածները և գործիքները, ինչպես նաև ընտրական գործընթացում ալգորիթմների և արհեստական բանականության վրա հիմնված լուծումները։
