10.05.2024 | 01:47
Որքան մարդ է մասնակցել հանրահավաքին. ԻՔՄ-ի հաշվարկը
Ալիևը կրակեց Երասխի գործարանի վրա՝ ծանր զրույց է եղել իր հետ․ ՀՀ-ին ճնշում է՝ ԱՄՆ գնալուց խուսափելով․ Դավիթ Ստեփանյան. ՏԵՍԱՆՅՈՒԹ
Քաղաքականություն
14.06.2023 | 21:32
Այսօր Երասխում ամերիկյան ներդրումներով կառուցվող մետալուրգիական գործարանի ուղղությամբ ադրբեջանական կրակի հետևանքով վիրավորում են ստացել գործարանի կառուցման շինարարական աշխատանքներում ներգրավված Հնդկաստանի քաղաքացիներ Մուհամադ Ասիֆը և Միրհասան Սահաջանը:
Քիշնևի հնգակողմ հանդիպումից առաջ Միջազգային և անվտանգության հարցերի հայկական ինստիտուտի ասոցացված փորձագետ Դավիթ Ստեփանյանը Factor TV-ի տաղավարում ակնարկել էր Ալիևի հետ ծանր զրույցի մասին, որ, ըստ նրա, Ադրբեջանի նախագահի հետ ունենալու էին Մակրոնը, Միշելը, Շոլցը։ Այսօրվա զրույցում Դավիթ Ստեփանյանին հարց ուղղեցինք՝ փաստորեն Ալիևի հետ զրույցը ծանր չի՞ եղել՝ ինչպես ինքն էր ակնկալում Քիշնևի հանդիպումից առաջ։
«Ադրբեջանը կրակում է, ուրեմն՝ Ալիևի հետ ծանր զրույց է եղել, նա հիմա ժամանակ է ձգում, և Վաշինգտոն չի գնում։ Ադրբեջանը կրակում է նաև ճնշման նպատակով, որ ՀՀ-ն ևս հրաժարվի Վաշինգտոնում բանակցությունից։ Բացի այդ, ես կարծում եմ ևս մեկ պատճառ կա, թե Ալիևը ինչու է կրակում Երասխի գործարանի վրա․ նպատակներից մեկն էլ ցույց տալն է, թե ինքն այնքան է լկտիացել, որ ամեն ինչ կարող է անել՝ թույլ չտալ ՀՀ-ում կառուցել գործարան»,- ասաց Դավիթ Ստեփանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
