14.08.2026 | 19:40
Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող ևս 1 հողատարածք
Հրանտ Դինքի սպանության գործով մեղադրանքներ են առաջադրվել նախկին բարձրաստիճան ոստիկանների
Քաղաքականություն
14.06.2023 | 14:26
Թուրքիայում հայ լրագրող Հրանտ Դինքի սպանության գործով նոր դատական գործ է հարուցվել, կասկածյալներն են ոստիկանության հետախուզության նախկին պետը, հակաահաբեկչական վարչության նախկին պետը և ոստիկանության հետախուզության երկու նախկին պետերը։ Նրանք մեղադրվում են «սահմանադրական կարգը տապալելու փորձի», «ահաբեկչական խմբի անդամ լինելու» և «դիտավորյալ սպանության» մեջ, գրում է Gercek news-ը։
Հիշեցնենք, որ «Ակոս» թերթի հիմնադիր և գլխավոր խմբագիր Դինքը մահացու հրազենային վիրավորում է ստացել 2007 թվականի հունվարի 19-ին Օգյուն Սամասթի կողմից՝ հենց խմբագրության շենքի մոտ։
Նոր հայցի գործով ներգրավված է 11 կասկածյալ, որոնց նկատմամբ նախորդ դատաքննության ընթացքում քրեական գործ էր հարուցվել։ Ոստիկանության հետախուզության նախկին ղեկավար Ռամազան Յուրեքը և ոստիկանության հետախուզության նախկին պետեր Ալի Ֆուաթ Յըլմազերը և Ֆարուք Սարին մեղադրվում են սպանությունը կանխելու համար միջոցներ չձեռնարկելու մեջ, չնայած տեղեկացված են եղել Դինքի սպանության ծրագրերի և Դինքի պաշտպանությունը մերժելու համար:
Ոստիկանության ահաբեկչության դեմ պայքարի վարչության նախկին պետ Յահյա Օզթուրքին և ոստիկանության նախկին փոխկոմիսար Ադեմ Սագլարին դիտավորյալ անփութության մեղադրանք է ներկայացվել։
Առաջին դատական նիստը տեղի է ունենալու այսօր։
Էմմա Չոբանյան
