Հուշարձանների տեսքը փչացնող ուտել-խմելու տեղերը պետք է վերացվեն. Նազարյան․ ՏԵՍԱՆՅՈՒԹ

Այսօր մեկնարկել է Ազգային ժողովի հերթական քառօրյան։ Նիստերի օրակարգի նախագծում ընդգրկված է 27 հարց:

Հուշարձանների տեսքը փչացնող ուտել-խմելու տեղերը պետք է վերացվեն. ասաց Նազարյանը։

Ազգային ժողովի այսօրվա նիստում քննարկվում է «Հայաստան» խմբակցության պատգամավոր Լիլիթ Գալստյանի հեղինակած «Վարչական իրավախախտումների վերաբերյալ» ՀՀ օրենսգրքում փոփոխություններ և լրացումներ կատարելու մասին նախագիծը։

Նախագիծն ուղղված է բնության, պատմության և մշակույթի հուշարձանների օգտագործման, պահպանության և պաշտպանության նկատմամբ հանրային և վարչական պատասխանատվությունը բարձրացնելուն։ Մասնավորապես, առաջարկվում է քաղաքացիների նկատմամբ տուգանքի չափ սահմանված 80-ապատիկը դարձնել 150-ապատիկ, իսկ պաշտոնատար անձանց դեպքում՝ 300-ապատիկի չափով։ Պատմության և մշակույթի հուշարձանների պահպանության և օգտագործման կանոնների խախտման դեպքում ևս տուգանքի չափն առաջարկվում է կրկնապատկել՝ 50-ապատիկից սահմանել 100-ապատիկ, իսկ պաշտոնատար անձանց դեպքում՝ 300-ապատիկից 350-ապատիկի չափով։

«Հայաստան» խմբակցության պատգամավոր Գեղամ Նազարյանը հարց է ուղղեց, թե ինչն է ստիպել անցնել տուգանքների չափի ավելացման առաջարկին, կա վիճակագրություն, թե ինչ է կատարվում, ինչ աստիճանի վնասներ են պատճառվում մեր հուշարձաններին զբոսաշրջիկների և տեղացիների կողմից։

Լիլիթ Գալստյանը պատասխանեց, որ այդպիսի վիճակագրություն չկա։

«Հուշարձանների տեսքը փչացնող զվարճանքի, ուտել-խմելու օբյեկտները պետք է վերացվեն»,- ընդգծեց Նազարյանը՝ հավելելով, որ տուգանքները հաճախ ոչ մի օգուտ չեն տալիս։

Մանրամասները՝ տեսանյութում