20.02.2026 | 20:32
Խուզարկություններ` Երևանի շուրջ 40 հասցեներում
Պատմության և մշակույթի հուշարձանների պահպանման կանոնների խախտման համար տուգանքները կկրկնապատկվեն․ ՏԵՍԱՆՅՈՒԹ
Մշակույթ
13.06.2023 | 12:33
Ազգային ժողովի այսօրվա նիստում «Հայաստան» խմբակցության պատգամավոր Լիլիթ Գալստյանը ներկայացրեց իր հեղինակած «Վարչական իրավախախտումների վերաբերյալ» ՀՀ օրենսգրքում փոփոխություններ և լրացումներ կատարելու մասին նախագիծը։
«Նախագիծն ուղղված է բնության, պատմության և մշակույթի հուշարձանների օգտագործման, պահպանության և պաշտպանության նկատմամբ հանրային և վարչական պատասխանատվությունը բարձրացնելուն։ Մասնավորապես, նախագծով առաջարկվում է փոփոխություններ կատարել։
Վարչական իրավախախտումների վերաբերյալ ՀՀ օրենսգրքի 94-րդ և 95-րդ հոդվածներում, որը սահմանված վարչական տույժերի չափը բարձրացնելուն է ուղղված։ Առաջարկում եմ կարգավորումներ այն դեպքում, երբ նույն խախտումը կատարվել է վարչական տույժի միջոցներ կիրառելուց հետո՝ վեց ամսվա ընթացքում»,- մանրամասնեց Լիլիթ Գալստյանը։
Նրա խոսքով՝ բնության հատուկ պահպանվող տարածքների ռեժիմը խախտելու դեպքում առաջարկվում է գործող վարչական տույժերի չափը կրկնապատկել։
Մասնավորապես, առաջարկվում է քաղաքացիների նկատմամբ տուգանքի չափ սահմանված 80-ապատիկը դարձնել 150-ապատիկ, իսկ պաշտոնատար անձանց դեպքում՝ 300-ապատիկի չափով։ Պատմության և մշակույթի հուշարձանների պահպանության և օգտագործման կանոնների խախտման դեպքում ևս տուգանքի չափն առաջարկվում է կրկնապատկել՝ 50-ապատիկից սահմանել 100-ապատիկ, իսկ պաշտոնատար անձանց դեպքում՝ 300-ապատիկից 350-ապատիկի չափով։
Մանրամասները՝ տեսանյութում։
